Бэчээт күнүнэн, спортивнай суруналыыстар!

Спорт министерствота спорду сырдатар суруналыыстарга анаан Россия Бэчээтин күнүнэн чиэстээһин тэрийэрэ үтүө үгэскэ кубулуйда. Бу сырыыга үөрүүлээх түгэн «Триумф» спорка бэлэмнэнии киинин кафетыгар буолла. Суруналыыстар толору астаах остуол тула мустан санааларын үллэһиннилэр, үлэлэрин ырытыстылар, буолаары турар күрэхтэһиилэри дьүүллэстилэр.

Оттон бу иннинэ спорт министрэ Михаил Дмитриевич Гуляев киирии тылыгар ааспыт сыл түмүктэрин билиһиннэрдэ, инники соруктарга тохтоото уонна бастыҥ үлэлээх суруналыыстарга министерство грамоталарын, өйдөбүнньүк бэлэхтэрин туттарда. Наҕараадаламмыттар ортолоругар «Спортивная Якутия» хаһыат кылаабынай редактора Александр Посельскай, редакторы солбуйааччы Николай Бястинов, суруналыыстар Федор Рахлеев, Саина Шеломова, Саха информационнай агентство фотограва Максим Тихонов, корреспондент Айаан Яковлев, фотографтар Сергей Сарксисов, Валерий Стефанскай, бу строкалар автордара уо.д.а. бааллар.

Бырааһынньыктыы быһыыны-майгыны саха эстрадатын сулустара Лэгэнтэй, Сахаайа киэргэтэн биэрдилэр.

Кырдьык да — бастыҥ спортсменнар, тренердэр ситиһиилэрин дьоҥҥо-сэргэҕэ кэпсээн, билиһиннэрэн, суруйан, киэҥ эйгэҕэ биллэллэригэр, ытыктабылы ылалларыгар төһүү күүһүнэн бастатан туран, кинилэри суруйар, сырдатар дьон суруналыыстар буолаллар. Санатан эттэххэ, 2014 сыл түмүгүнэн Бастыҥ спортивнай суруналыыс аатын “Саха” көрдөрөр-иһитиннэрэр хампаанньа үлэһитэ Ньургуйаана Егоров, “Сахаада-спорт” ассоциация спорт национальнай көрүҥнэрин сырдатыыга бастыҥынан Федор Рахлеев, оттон СӨ суруналыыстарын сойууһун “Көмүс микрофон” бириэмийэтин лауреатынан “Саха” НКИК радионан биэриигэ редактора Василий Посельскай буолбуттара.

Спорду сырдатар суруналыыстары барыларын Бэчээт күнүнэн ис сүрэхтэн истиҥник эҕэрдэлиибит! Бөрүөҕүт сыппаабатын, суруйууларгыт сытыырхайдыннар, саха спорда сайдарын туһугар санааларгыт сааһыланалларыгар баҕарыбыт.

Мантан аллараа, Спорт министерствота чиэстээһинин түгэннэрин кытта билсиҥ.







4 comments

  • Однако, газету надо переименовать в «Саха Сирэ, уонна Спорт» диэццэ

  • Андрей, то5о инньэ диигин? БаЬаалыста быЬааран кулу.

  • Красноярскай турнирын сырдатыы хайда5ый? НВК-тан Степан Посельскай уонна Радомир Томскай бараллар. Кинилэр тохсунньу 23,24,25 куннэригэр ТВ-га репортажтары ыытыахтара. Ити куннэргэ киэЬэ ТВ-га «Бары бииргэ» биэриилэр ыытыллыахтара. Оттон суруналыыс Николай Бястинов хаЬан ба5арар буоларыныы, радионан уонна интернетынан быьа биэриилэри ыытыа5а. Хаһыакка суруйуо5а. Онон бу куннэргэ бары бииргэ буолуо5уц, уолаттарбытыгар ыалдьыа5ыц.

  • Бэчээт к?н?нэн, спортивнай суруналыыстар! | Саха сирэ | Сонуннар | Якутия | Новости

    нарядные женские платья оптом