Мадьыныларбыт тэҥнээхтэрин булбатылар

PMpfFXrQv5g (1)

Спорт национальнай уонна Олимпиада бырагырааматыгар киллэриллибэтэх көрүҥнэригэр Бүтүн Россиятааҕы 3-с фестивалга Саха сирин хамаандата мас тардыһыыга бастакы миэстэҕэ таҕыста уонна кубогынан наҕараадаланна. Алта киһиттэн састааптаах өрөспүүбүлүкэ сүүмэрдэммит хамаандата биэс кыһыл көмүс уонна биир боруонса мэтээл хаһаайыннарынан буолла.

Фестиваль үһүс төгүлүн ыытылынна уонна дойду бары муннугуттан сүүсчэкэ спортсмены түмтэ. Быйылгы тэрээһин Коми Өрөспүүбүлүкэтигэр атырдьах ыйын 19-23 күннэригэр ыытылынна.
Мас тардыһыы күрэхтэһиитигэр Саха сирин хамаандатыгар кыайыыны аҕаллылар: Инна Пермякова (75 кг), Айталина Колодезникова (85 кг), Дьулустаан Дьячковскай (70 кг), Айаал Аянитов (80 кг), Эрчим Баппаҕай (105 кг), оттон Петр Колодезников (90 кг) үһүс миэстэни ылла.
— Фестивалга Россия 46 регионун хамаандата кытынна. Мас тардыһыыга мин 105 кг ыйааһыҥҥа күрэхтэстим, утарсааччыларым ахсыа этилэр. Кинилэр бары күүстээх утарсыыны оҥордулар. Ол эрээри, биһиги хамаанданан кыайыыны ситистибит уонна кубогы ыллыбыт”, —диир чөмпүйүөн Эрчим Баппаҕай.
Иккис миэстэни Свердловскай уобалас, үсүһү Тюмень спортсменнара ыллылар.

Бэйэбит инф.