Саха сирин туһунан энциклопедия таҕыста

энцикл

Саха информационнай агентство саҥа бырайыагы олоххо киллэрдэ. Ол – Саха сирин туһунан энциклопедия.

Энциклопедияны СИА сайтыгар киирэн көрүөххэ сөп. Билиҥҥи туругунан, 2 тыһыынча кэриҥэ ыстатыйалаах. Экэниэмикэ, уопсастыба, култуура, этнография, айылҕа, спорт, улуустар, история, биллэр дьон, о.д.а. рубрикалардаах.
Бу баай, интэриэһинэй ис хоһоонноох үлэни СИА үлэһитэ, уруккута библиотекарь идэлээх Лилия Левчикова хас да ый устата араас энциклопедиялартан хасыһан булан, хомуйан оҥордо. Энциклопедия кэлин да эбиллэн, ситэн-хотон иһиэҕэ. Табылыннаҕына, английскай тылынан эмиэ тахсыан сөп.
СИА энциклопедията оскуола үөрэнээччилэригэр, устудьуоннарга, суруналыыстарга, Саха сирин туһунан билиэн-көрүөн баҕалаахтарга олус туһалаах, интэриэһинэй буолсу.

Ангелина ВАСИЛЬЕВА.