Батыллыбат «Синтай»

IMG_20160906_151054

Бүлүү улууһун Лөкөчөөн нэһилиэгин түс-бас олохтооҕо, өр сылларга баһылыгынан үлэлээбит Николаев Федот Никитич оттуу бараары бэринэ сылдьарын түбэһэ түспүтүм. Кини уола Альберт «Синтай» тыраахтары өссө тупсаран биэрбит.

Аҕыйах сыллааҕыта ылбыт «Синтай» тыраахтарын Альберт муоһун уһатан биэрэн, икки киһи холкутук олорор гына оҥорбут. Онон тырахтарыыһы кытта иккис киһи көлөһө үрдүгэр крылоҕа олорсуон сөп. Бэл турбаны сыбааркалаан тиэрмэс угарга анаан иһит бэлэмнээбит.
Тыа суола бадараан буолан, бэл, улуу кытай омук тыраахтара буксуйар. Били, ырыаҕа ылланар саадьаҕай оҕуспут буолбатах. Бырыы да бадараантан тахсар туһугар маннык дьаһаммыттар. Тыраахтар көлөһөтүн диискэтигэр атын массыына диискэтин буолтанан хам тардыбыттар. Ол диискэни туора дьөлө үүттээбиттэр. Бадарааҥҥа олордоҕуна, ити анал дьөлөҕөскө тимир турба батары биэрэн, тыраахтар онно тирэнэн тахсан барар эбит.
Кытай омуга мындыр буоллаҕына, биһиги дьоммут өссө дириҥ толкуйдаах эбит диэн санааҕа кэллим. Сатабыллаах саха саһыл саҕалаах.

Чокуур ГАВРИЛЬЕВ.