1-8 кылаас үөрэнээччилэригэр актированнай күн биллэрилиннэ

Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат үөрэҕин управлениета иһитиннэрдэ.

Сарсыарда 6 чааска УГМС дааннайынан, Гимеин оройуонугар салгын температурата -46 кыраадыс, тыала суох, оттон аэропорт оройуонугар -49 кыраадыс буолла.

Актированнай күн үөрэнэр симиэнэттэн тутулуга суох, күнү быһа биллэриллэр.

Киин куорат үөрэҕин управлениета актированнай күнү биллэрэр быһаарыы УГМС метеостанцияларын көрдөрүүлэригэр олоҕуран, күн аайы ылылларын санатта. Кээмэйдиир пууннартан биирдэстэригэр сарсыарда 6 чааска бэлиэтэммит саамай намыһах температура учуоттанар.

1-8-с кылаастарга үөрэх дистанционнай технологиялары туһанан салҕанар.