Бүлүү улууһугар командировкаҕа сылдьар кэммэр үөрэхтээһиҥҥэ уонна култуураҕа олус улахан болҕомто уурулларын анаан бэлиэтии көрдүм.
Ол курдук, ханнык да нэһилиэккэ тиий — саҥа оскуола, оҕо уһуйаана. Быйыл күһүн «Тыа сирин сайыннарыы» өрөспүүбүлүкэтээҕи бырагыраама чэрчитинэн, 1-кы Күүлэт нэһилиэгэр икки мэндиэмэннээх саҥа оскуола үлэҕэ киирээри турар.
Бүгүҥҥү күҥҥэ манна үлэ күөстүү оргуйа турарыгар түбэстибит.
Оскуола дириэктэрэ Сардаана Томскаяны көрсөн, оскуола тутуутун туһунан кэпсэттибит.
Пиэрибэй Күүлэккэ бастакы оскуола 1935 сыллаахха тутуллубут. 150 оҕоҕо анаан тутуллар 21-с үйэ саҥа таас оскуолатыгар 150 оҕо үөрэниэҕэ. Сэбиэскэй кэмтэн ыла бу оройуоҥҥа саамай элбэх оҕолоох оскуоланан аатырар эбит. Билигин тыа сирин оскуолаларыгар оҕо ахсаана олох аҕыйаабыт кэмигэр Аҕа дойду Улуу сэриитин бэтэрээнэ Прокопий Павлов аатынан орто оскуола 120 оҕо үөрэнэрэ — бастыҥ холобур кэриэтэ. Ол аата нэһилиэк — сарсыҥҥылаах.
Оскуола кэлэктиибэ — оҕолор да, учууталлар да олох абыраныыһылар. Оскуола киэҥэ-куоҥа, киһи мунар оскуолата. Аны манна сахалыы тыыннаах киэргэтии-дизайнын эбэн кэбис!
Ити курдук, быйыл балаҕан ыйын 1 күнүгэр 1-кы Күүлэт нэһилиэгэр маннык улахан оскуола үөрэнээччилэргэ аанын тэлэччи аһыаҕа.
Оскуола дириэктэрэ Сардаана Томская бэлиэтиирин курдук: «Кыһыл лиэнтэни кырыйыыны долгуйа кэтэһии…»
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…