1-кы Тоҕус нэһилиэгин баһылыгар өссө биир хандьыдаат докумуонун туттарда

Олунньу 16 күнүгэр былааннаммыт муниципальнай быыбардарга хандьыдааттары туруоруу уонна регистрациялааһын түһүмэҕэ бүтүөр диэри үс эрэ күн хаалла.

Бүлүүтээҕи территориальнай быыбардыыр хамыыһыйа чилиэнэ Егор Рожин иһитиннэрбитинэн, бэҕэһээ, тохсунньу 16 күнүгэр, 1-кы Тоҕус нэһилиэгин баһылыгар хандьытаат быһыытынан Анатолий Николаевич Еремеев регистрацияҕа докумуонун туттарда. Кини «Биир ньыгыл Арассыыйа» бэлитиичэскэй баартыйа Бүлүүтээҕи олохтоох салаатыттан турда диэн СӨ киин быыбардыыр хамыыһыйата иһитиннэрэр.

Быыбары тэрийэр хамыыһыйа – 165-с учаастактааҕы быыбардыыр хамыыһыйа (бэрэссэдээтэл В.С. Семенов) – туруоруллубут болдьох иһигэр хандьыдаат киллэрбит докумуоннарын көрүҥ уонна сөптөөх быһаарыыны ылыныаҕа.