Хаартыска Мэҥэ Хаҥалас улууһун дьаһалтатын пресс-сулууспатыттан
От ыйын 4 күнүгэр 1-кы Тыыллыма нэһилиэгэр бэлиэ күн үүннэ. Ол курдук, Павел Федорович Игнатьев-Тимир Байбал уһаммыт тэриллэрин, оҥорбут малларын кэрэһилиир түмэл үөрүүлээх быһыыга аһылынна.
Бу туһунан Мэҥэ Хаҥалас улууһун дьаһалтатын пресс-сулууспата иһитиннэрэр.
Түмэли Тимир Байбал сиэнэ, туйаҕын хатарааччы, уус, коллекционер Николай Игнатьев бэйэтин сыратын ууран туран, ымпыгын-чымпыгын барытын ситэрэн-хоторон оҥорон таһаарда.
Тэрээһин үөрүүлээх арыллыытыгар улуус дьаһалтатын үлэтин тэрийэр уонна каадырдары салайар салаа начаалынньыга Станислав Захаров, Р.Г. Васильев аатынан улуустааҕы кыраайы үөрэтэр түмэл дириэктэрэ Анастасия Федорова, улуус мунньаҕын дьокутаата, саҕалааччы пиэрмэр Михаил Масаха, М.К. Аммосов аатынан ХИФУ профессора, педагогическай билим кандидата Галина Попова-Санаайа уонна мустубут бар дьон истиҥ эҕэрдэ тылларын эттилэр, түмэл үлэтигэр үрдүк ситиһиилэри баҕардылар.
Үөрүүлээх күн «Үйэлэри уҥуордуур утум», «Манньыаттаах уолун ууһа» диэн Павел Федорович удьуордарын быыстапкалара тэрилиннэ.
Ааттаах-суоллаах дьоммут төрөөн-ууһаан тахсыбыт сирдэрэ – 1-кы Тыыллыма нэһилиэгин дьоно-сэргэтэ – уус удьуор утумун үйэтитиини сыал-сорук быһыытынан туруорунан олоххо киллэрбиккитинэн итии-истиҥ эҕэрдэбитин тиэрдэбит! Түмэл салгыы сайда, үгүс дьон биһирэбилин ыла туруо диэн эрэнэбит.
Бүгүн Олоҥхо ыһыаҕар оһуохайга, олоҥхоҕо, хомуска кылаан кыайыылаахтары наҕараадалаатылар. Оһуохай күрэҕэр кылаан кыайыылааҕынан Ньурба улууһуттан…
От ыйын 4 күнүгэр Үөһээ Дьааҥы оройуонун Боруулаах нэһилиэгин дьаһалтатыттан, 1969 с.т.эр киһи сүппүтүн туһунан…
Арассыыйа ИДьМ Өлүөхүмэтээҕи отделын силиэдэбэтэлэ 2024 сыл сайыныгар табаары атыылааһыҥҥа түөкүннээһининэн дьарыктаммыт, урут уорууга сууттаммыт…
Арассыыйа иһигэр уоппуска кэмигэр ыарыйдахха эбэтэр эчэйдэххэ, Мэдиссиинэ булгуччулаах полиһынан (ОМС) бырааска көрдөрүллэр. Полис Арассыыйа…
Олоҥхо ыһыаҕын үөрүүлээх сабыллыытын иннинэ "Прекрасная Нюнгурмок - матерь эвенкийская, с длинной косой на шесть…
Быйыл Ньурба улууһун ыраах олорор Хорула нэһилиэгэ биир бастакылар ахсааннарыгар олохтоох көҕүлээһиннэри өйүүр программа (ППМИ)…