Хаартыска: Газета Олекма саайтан.
Байыаннай дьайыы ньиргиэрэ ой дуораана буолан киэҥ нэлэмэн Арассыыйа хас биирдии муннугар, сэрии толоонугар сылдьар байыастар төрөппүттэрин, кэргэттэрин сүрэҕэр эрэ буолбакка, хас биирдии олохтооххо тиийэ иһиллэр. Дьон ким, туох кыахтааҕынан байыастарга көмөлөһөр. Ол үтүө холобурунан – Өлүөхүмэ улууһун 1-Нөөрүктээйи дьахталларын үлэтэ.
Нэһилиэк дьаһалтата сылаас, дьоҕус кыра хос көрбүтэ. СВО дьиэтигэр, көмө кулууп ити курдук ааттаах, бэтэрээннэр Сэбиэттэрин бэрэссэдээтэлэ Ж.М.Григорьева салалтатынан, дьахталлар маскировочнай сиэккэлэри өрөллөр, ордук кыһыҥҥы кэмҥэ туһалаах атах таҥаһын — угунньалары тигэллэр.
Жанна Михайловна кэпсээбитинэн, таҥас матырыйаалын бэйэлэрэ булаллар. Биллэн турар, аһыныгас сүрэхтээх олохтоохтор көмөлөһөллөр: ким таҥаһынан, ким сылгы сиэлинэн. Мантан сииги киллэрбэт, өр сылааһы тутар, массажтыыр туһалаах угунньана тигэн таһаарар буоланнар, бу ордук суолталаах. Бу саха былыр-былыргыттан илдьэ кэлбит төрүт оҥоһуга, тигии ньымата көлүөнэттэн-көлүөнэҕэ бэриллэн иһэр.
Араас саастаах уонтан тахса дьахтар СВО дьиэтигэр бириэмэлэрин аттарынан сарсыардаттан киэһээҥҥэ диэри кэлэн көмөлөһөллөр. Сыыйа бэйэтин кылаатын киллэрсиэн баҕалаах ахсаана өссө эбиллэн иһэригэр Жанна Михайловна эрэллээх.
Татьяна Филиппова. Газета Олекма саайтан.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…