Хаартыска: Доруобуйа харыстабылын министиэристибэтэ
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат мониторинын систиэмэтинэн (НМГ) хааччылыннылар.
Бу 2023 сылтан Арассыыйа эрэгийиэннэригэр үлэлиир “Саахарынай диабеты утары охсуһуу» бырайыак көмөтүнэн ситиһилиннэ. Маннык ыарыылаах оҕолорго көмө аныгы систиэмэтин туһаныы – “Уһун уонна көхтөөх олох” национальнай бырайыак сүрүн соруктарынан биирдэстэрэ.
Өскөтүн көннөрү глюкометр эмтэнээччи тарбаҕын хаста да тэһэ аһарын (ардыгар күҥҥэ уонна) ирдиир, ол оҕоҕо соччо үчүгэйэ суох буоллаҕына, глюкоза тиһигин быспат мониторинын систиэмэтэ (НМГ) табыгастаах. Систиэмэ датчига икки нэдиэлэ устатыгар суоттанан ууруллар, датчик оҕо хааныгар саахар таһымын туһунан иһитиннэриини тиһигин быспакка тириэрдэр.
«Биһиги өрөспүүбүлүкэбитигэр 1 тииптээх саахарынай диабеттаах оҕолор НМГ систиэмэтин 2023 сылтан ылбыттара. Түмүк ситиһиилээх. Ону таһынан систиэмэ сууккаҕа хааҥҥа саахар, гипогликемия таһымын көрдөрөр, бу инсулинотерапияны чопчу көннөрөн биэрэргэ көмөлөһөр”, — диэн СӨ Доруобуйа харыстабылыгар министиэристибэтин кылаабынай педиатра Александра Уарова иһитиннэрдэ.
СӨ доруобуйа харыстабылын миниистирэ Лена Афанасьева эппитинэн, оҕолор НМГ систиэмэтин босхо ылаллар, үбүлээһин федеральнай уонна эрэгийиэннээҕи бүддьүөттэртэн оҥоһуллар.
Оҕо НМГ туһаныахтааҕын туһунан оҕо олорор сирин поликлиниката быраас хамыыһыйатын түмүгэр олоҕуран быһаарар.
Былырыын НМГ систиэмэтин уонна ороскуоттуур матырыйааллары 270 оҕо ылбыта, итиччэ оҕо 2025 сыл аҥаарыгар ылла. Ол аата, Саха сиригэр НМГ систиэмэтинэн туһаныы биһирэннэ.
Күн-дьыл туруга бу күннэргэ хайдаҕый? Күнү-дьылы кэтээн көрөөччүлэр туох дииллэрий? Ленскэйгэ, Халыма-Индигиир улуустарыгар, күнүс киин,…
Бу нэдиэлэ харчыны ааҕарга, докумуону бэрээдэктииргэ уонна чуолкай былааны оҥосторго табыгастаах кэм. Венера, баай-дуол планетата,…
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…