https://t.me/aisen_nikolaev
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу туһунан Ил Дархан Айсен Николаев иһитиннэрдэ.
— Бу түгэн биир дьиэ кэргэн олоҕун саҥа түһүмэҕинэн эрэ буолбакка, бүтүн өрөспүүбүлүкэҕэ инники хардыыта буолар. Бу тыһыынчанан киһи дьаныардаах үлэтинэн ситиһилиннэ, — диэн Ил Дархан бэлиэтээн эттэ.
Охлопковтар социальнай гаастааһын туһунан билэр дьонноруттан истэннэр, «Сахатранснефтегаз» хампаанньаҕа сайаапка түһэрбиттэр. Итиэннэ аҕыйах ыйынан дьиэлэригэр гаас холбоммут. Элбэх оҕолоох дьиэ кэргэн быһыытынан федеральнай уонна өрөспүүбүлүкэтээҕи бырагыраамаларынан көмө ылбыттар. Вадим Дмитриевич кэпсээбитинэн, тастан көмөтө суох гааска холботторуу ыарахаттардаах буолуо эбит. Маны этэн туран, ыал аҕа баһылыга дойду бэрэсидьиэнигэр Владимир Путинҥҥа туһааннаах көҕүлээһин иһин махталын тириэртэ.
— Бүгүн номнуо өрөспүүбүлүкэ 10 000 дьиэ кэргэнэ социальнай гаастааһын бырагырааматынан туһанна. Инникитин тыһыынчанан дьиэҕэ кэтэһиилээх ититии киириэҕэ. Биһиги бу хайысханан салгыы үлэлиэхпит, — диэн эбэн эттэ Айсен Николаев.
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…