Мария Васильева хаартыската, СИА.
2024 сылга 10 нэһилиэнньэлээх пууҥҥа 900 мөлүйүөн солкуобайы уопсастыбаннай эйгэни тупсарыыга биэриэхтэрэ. Бу туһунан өрөспүүбүлүкэ баһылыга Айсен Николаев эттэ.
Бу үп федеральнай бүддьүөттэн көрүллүөҕэ.
“Саха сирэ Бүтүн Арассыыйатааҕы куонкурус Уһук Илиннээҕи түһүмэҕэр бастаабыта. Саха сирин 10 муниципалитета бэйэлэрин бырайыактарын олоххо киллэриигэ 900 мөл солкуобайы ылар буоллулар. Эһиил бу үбүнэн 9 оройуон киинигэр уонна Жатайга дьон сылдьар эйгэлэрэ тутуллуоҕа”, — диэтэ Айсен Николаев.
Ол курдук, Ленскэйгэ сатыы киһи хаамар зоната, Мүрү күөлүн кытыла, Бүлүүгэ – “Ыллыыр кумах” кытыл, Жатайга – В.П.Шамшин аатынан бульвар, Бэрдьигэстээххэ уонна Орто Халымаҕа Кыайыы болуоссаттарын саҥардыы, Үөһээ Бүлүүгэ – И.Н.Барахов скверэ, Майаҕа – “Кыайыы аартыга”, Мииринэйгэ куорат пааркатын саҥардыы, Нерюнгригэ – култуура пааркатын оҥоруохтара.
Айсен Николаев быйыл куораттары уонна сэлиэнньэлэри тупсарыыга 3 млрд кэриҥин биэрбиттэрин эттэ. Ол курдук, быйыл 34 муниципальнай тэриллиигэ 93 эбийиэги тупсарбыттар.
“Оройуоннарга сылдьан дьон тупсаран оҥоруу бырайыактарыгар ис сүрэхтэриттэн кытталларын көрдүм”, — диэн бэлиэтээтэ кини.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ааспыт сууккаҕа Саха сиригэр түөрт буруйу оҥоруу тахсыбытын туһунан СӨ Борокуратуурата иһитиннэрэр. Хаҥалас улууһугар "Улуу…
Күндү Саха сирин олохтоохторо! Саха Өрөспүүбүлүкэтин салалтатын уонна тус бэйэм ааппыттан Россия Федерациятын Конституциятын күнүнэн…
Ахсынньы 12 күнэ – Арассыыйа Федерациятын Конституциятын ылыныллыбыт күнэ. 1993 сыллаахха ахсынньы 12 күнүгэр Арассыыйа…
Үөһээ Халыма улууһугар полиция үлэһиттэрэ бокуонньук суоппар гарааһын халааһыҥҥа уорбаланар киһини быһаардылар. Бу туһунан «МВД…
Бүгүн, ахсынньы 12 күнүгэр, Саха сирин сорох улуустарыгар -52 кыраадыс буолара күүтүллэр диэн УГМС иһитиннэрэр.…
Бу күннэргэ Мэҥэ Хаҥалас улууһугар Сыымахха командировкаҕа сылдьан, киһи кэрэхсиир түгэнин көрөн, сырдатарга сананным. Васильевтар…