Хаартыска: sakhagov.ru
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга анаммыт, биир кэмнээх социальнай төлөбүрү ыллылар. Судаарыстыбаннай өйөбүл уопсай суумата 21 967 600 солкуобайга тэҥнэстэ диэн өрөспүүбүлүкэ тутууга министиэристибэтин пресс-сулууспата иһитиннэрдэ.
Төлөбүрдэр элбэх оҕолоох ыаллары өйүүр судаарыстыбаннай бырагырааманан, СӨ бырабыыталыстыбатын уурааҕынан, оҥоһуллубуттар. Уон уонна онтон элбэх, сокуоннай саастарын туола илик оҕолору иитэр, олорор дьиэ усулуобуйата тупсарыгар наадыйар диэн учуокка турар дьиэ кэргэттэр көмөнү ылыахтарын сөп.
Бу өйөбүл миэрэтэ демографическай бэлиитикэни бөҕөргөтүүгэ уонна өрөспүүбүлүкэ элбэх оҕолоох дьиэ кэргэттэригэр тус сыаллаах көмөнү оҥорорго, олорор дьиэҕэ табыгастаах усулуобуйаны тэрийэргэ туһуланар.
Санатан эттэххэ, элбэх оҕолоох ыаллары өйүүр уонна демографическай бэлиитикэни күүһүрдэр сыалтан, СӨ бырабыыталыстыбатын 2016 сыл от ыйын 28 күнүнээҕи «О предоставлении однократной социальной оплаты за строительство жилых домов с более 10 или детей» диэн 258 №-дээх уурааҕа элбэх оҕолоох дьиэ кэргэттэргэ социальнай төлөбүрдэри биэрии бэрээдэгин бигэргэтэр.
Бу бэрээдэк сыала-соруга олохтоох дьаһалталарга дьиэ усулуобуйатын тупсарарга наадыйар диэн учуокка турар 10 уонна онтон элбэх сокуоннай саастарын туола илик оҕолоох дьиэ кэргэттэргэ судаарыстыбаннай өйөбүлү оҥоруу буолар.
Сиһилии: https://www.sakha.gov.ru/news/11997
Бу күннэргэ күн-дьыл туруга хайдаҕый? Өрөспүүбүлүкэ арҕаа, соҕуруу диэки өттүгэр сорох сирдэринэн балачча хаардыа, сорох…
Бу нэдиэлэ уратылаах: саҕаланыыта Скорпион бэлиэтин дириҥ уонна чинчийэр энергиятынан салайтарар, оттон иккис аҥаара Стрелец…
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…