10 саастаах оҕо ийэтин төлөпүөнүттэн мөлүйүөн аҥаарын түөкүттэргэ ыыппыт

Мииринэй олохтооҕо дьахтар полицияҕа түөкүннээһин туһунан сайабылыанньа суруйбут. Кини 10 саастаах кыыһын хара санаалаах дьон албыннаан, ийэтин каартатыттан 483 000 солкуобайы ыыттарбыттар. Бу туһунан СӨ ИДьМ пресс-сулууспата иһитиннэрэр.

Алтынньы бүтүүтэ кыысчаан бэйэтин төлөпүөнүттэн онлайн-оонньууга оонньуу олорон, блогеры кытта кэпсэппит. Ол киһи Roblox оонньуу иһигэр харчыны кыыска ыытарга эппит, онуоха сөбүлэспит. Түөкүн салайыытынан кыыс ийэтин төлөпүөнүн туһанан, баар харчыны барытын ыйыллыбыт счекка ыыппыт.

Полиция төрөппүттэр оҕолору кытта интэриниэтинэн оонньуулар, билбэт дьону кытта кэпсэтиилэр сэрэхтээхтэрин туһунан кэпсэтэргэ сүбэлиир.