10 туонна баһыылка байыаннай дьайыы кыттыылаахтарыгар ыытылынна

Ил Дархан сорудаҕынан, Улуу Кыайыы күнүн көрсө, Саха сириттэн байыаннай дьайыыга сылдьар уонна госпиталларга эмтэнэ сытар байыастарга анаан 10 туонна ас нобуора ыытылынна. Ол туһунан, бүгүн СӨ нэһилиэнньэ олоҕор куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков брифиҥҥэ иһитиннэрдэ.

«Ыам ыйын 9 күнүгэр – Улуу Кыайыы күнүгэр анаан байыаннай дьайыыга ыытыллар ас бородууктатын нобуорун испииһэгэ Өрөспүүбүлүкэ суһал ыстаабын быһаарыытынан бигэргэммитэ», – диэн Дмитрий Лепчиков быһаарда.

ДНР сиригэр-уотугар баар өрөспүүбүлүкэ Тирэх пууннарын бэрэстэбиитэллэрэ байыаннай дьайыы буола турар сирдэригэр байыастарга кэһиини тириэрдэр соруктаах, бу күннэргэ күүскэ үлэлииллэр.