10 тыһыынча ыал 4 миллиард солкуобайдаах көмөнү ылла

«Демография» национальнай бырайыак чэрчитинэн «Финансовая поддержка семей при рождении детей» диэн эрэгийиэннээҕи бырайыак үлэлиир. 2023 сылга бу бырайыакка 4 миллиартан тахса солкуобай көрүллүбүтэ. 

— Үһүс оҕом төрөөбүтүгэр «Оҕолоох дьиэ кэргэттэри үбүнэн өйөөһүн» бырайыак чэрчитинэн, мин ый аайы 22 109 солкуобайы ылабын. Ону тэҥэ, Өрөспүүбүлүкэтээҕи Ийэ хапытаалын ылан, олорор усулуобуйаны тупсарыыга ыыппыппыт. Мин оҕобун көрөн олорор буоламмын, биһиэхэ бу дьоһун көмө буолар диэн этиэм этэ. Кэнники кэмҥэ оҕолоох дьиэ кэргэттэргэ көмө ордук биллэр буолла. Онон өрөспүүбүлүкэ салалтатыгар махталбын биллэриэхпин баҕарабын, — диэн 3 оҕолоох ийэ Евгения Зверева этэр.

Бу бырайыагынан  көмө хас да көрүҥэ баар. 10 тыһыынчаттан тахса дьиэ кэргэн оҕо төрөөбүтүгэр көмөнү ыллылар:

— бастакы оҕо төрөөтөҕүнэ (иитэ ыллахха) биирдэ бэриллэр төлөбүр: 42,2 мөлүйүөн солкуобай суумалаах көмөнү 1042 ыал ылла. Төлөбүр кээмэйэ: 1-кы зонаҕа — 52 790 солкуобай, 2-с зонаҕа — 44 218 солкуобай;

— эдэр ыаллар бастакы оҕолоро төрөөтөҕүнэ (иитэ ыллахха) оҕо таҥаһын, малын ыларга анаан биирдэ бэриллэр төлөбүр: 5,9 мөлүйүөн солкуобай  суумалаах көмөнү 770 ыал ылла (төлөбүр кээмэйэ — 8156 солкуобай);

— иккис оҕо төрөөтөҕүнэ (иитэ ыллахха) бэриллэр Эрэгийиэннээҕи ийэ хапытаала — 126,9 мөлүйүөн солкуобай суумалаах көмөнү 722 ыал ылбыт (кээмэйэ — 176 тыһыынча уонна 232,6 тыһыынча солкуобай).

— үһүс уонна онтон кэлэр оҕо төрөөтөҕүнэ (иитэ ыллахха) бэриллэр ыйдааҕы төлөбүр (оҕо 3 сааһын туолоур диэри): 1226,9 мөлүйүн солкуобай суумалаах көмөнү 8560 ыал ылбыт. Төлөбүр кээмэйэ: 1-кы зонаҕа — 26 395 солкуобай, 2-с зонаҕа — 22 109 солкуобай;

— Өрөспүүбүлүкэтээҕи Ийэ хапытаалын 1128 ыал ылбыт. Кээмэйэ: 151 690 солкуобай.

Эрэгийиэннэргэ оҕо төрөөһүнүн, нэһилиэнньэ элбээһинин боппуруостарын «Уһук Илин уонна Арктика демографическай сайдыылара» Бүтүн Арассыыйатааҕы кэмпириэнсийэҕэ ырытыахтара. Бу ахсыс төгүлүн ыытыллар кэмпириэнсийэ от ыйыгар Благовещенскай куоракка ыытыллыаҕа. Саха сирэ бу кэмпириэнсйэҕэ кыттар бастыҥ уопутун үллэстэр.

Ил Дархан, бырабыыталыстыба дьаһалтатын пресс-сулууспата.