Хаартыска: Андрей Сорокин, ЯСИА.
Бүгүн Бырабыыталыстыба дьиэтигэр Ил Дархан Айсен Николаев БКЭ-ҕэ 100 баалы ылбыт оскуола үөрэнээччилэрин уонна идэлэрин хайысхатынан эксээмэннэригэр үрдүк түмүгү ситиспит колледжтар, техникумнар выпускниктарын эҕэрдэлээтэ.
Ил Дархан маннык ситиһии сыралаах дьаныардаах үлэттэн, дьиэ кэргэн өйөбүлүттэн, ону тэҥэ үөрэтии хаачыстыбата үрдүгүттэн кыалларын тоһоҕолоон бэлиэтээтэ. Махтал ураты тылларын Ил Дархан 100 бааллаах оҕолору сыллата бэлэмниир педагогтарга туһаайда.
2025 сыллаахха профильнай ахсааҥҥа 100-түү баалы биэс выпускник, нуучча тылыгар — түөрт үөрэнээччи, үс оҕо – химияҕа, икки – литератураҕа, биир оҕо обществознаниеҕа ылбыттар. Үс выпускник икки биридимиэккэ сүүстүү баалы ылары ситиспит.
Выпускниктар ааттарыттан нуучча тылыгар уонна химияҕа 100-түү баалы ылбыт Өрөспүүбүлүкэтээҕи лицей-интэринээт үөрэнээччитэ Эркин Ноговицын тыл эттэ, үөрэппит учууталларыгар Василиса Васильевнаҕа, Ирина Егоровнаҕа, лицей-интэринээт кэлэктиибигэр истиҥник махтанна.
Лицей-интэринээт ахсааҥҥа учуутала Илья Кысылбаиков салалтатынан үс үөрэнээччи муҥутуур баалы ылбыттар.
“Оҕолор бэйэлэрин күүстэригэр эрэниэхтэрин эрэ наада. Биһиэхэ оскуола, үрдүк үөрэх, Бүтүн Арассыыйатааҕы, аан дойдутааҕы таһымнаах элбэх куонкурус, олимпиада ыытыллар. Ол түмүгэр хас биирдии үөрэнээччи бэйэтин билиитигэр эрэллээх буолар”, — диэтэ кини.
Ил Дархан идэҕэ үөрэтэр үөрэх тэрилтэлэрин выпускниктарын ситиһиилэрин эмиэ бэлиэтээтэ. Демонстрационнай эксээмэн түмүгүнэн муҥутуур баалы 4510 кыттааччыттан 24 устудьуон ылбыт. Кинилэр 13 идэнэн бастыҥ түмүктэри көрдөрбүттэр. Чаҕылхай билиини, сатабылы ХИФУ Инфраструктурнай технологияларга колледжын алта выпускнига көрдөрбүт.
“Эһиги хайыы-үйэ инники олоххутугар эппиэттээх уонна дьоһун хардыыны оҥордугут. Бүгүн биһиги өрөспүүбүлүкэбит – экэнэмиичэскэй үүнүү драйверынан буолар. Биһиэхэ эдэр, аныгы, мотвациялаах уонна бэлэмнээх исписэлиистэр наадалар”, — диэн бэлиэтээтэ Айсен Николаев.
Кини ыччат Саха сирин, дойдутун сайыннарыыга кылаатын угарыгар эрэлин биллэрдэ, диэн суруйар Ил Дархан, бырабыыталыстыба пресс-сулууспата.
"Саха сирэ- Дьоруойдар дойдулара" ураты кадровай бырагыраама саҥа көлүөнэ салайааччылары иитэн таһаарар. Бырайыак сүрүн соруктарын…
Бүгүн, балаҕан ыйын 1 күнүгэр, онлайн-биктэриинэҕэ — Бүтүн Арассыыйатааҕы «Мой Дальний» видео-эссе куонкуруска кыттарга регистрацияланыы…
Бу сүбэ хаһаайкаларга туһалыыра саарбахтаммат. Сорох ыаллар, ордук элбэх кыбартыыралаах дьиэлэргэ олорор дьон, сөп-сөп таракааны…
Бырагыраама иһинэн исписэлиистэргэ биир кэмнээх төлөбүр көрүллэр. Дойду үрдүнэн «Физическэй култуураны уонна спорду сайыннарыы» судаарыстыбаннай…
Ааспыкка улахан убайбыт Улахан Сахаар туһунан ахтан санаан ааспытым. Билигин Аччыгый Сахаар туһунан кэпсиэхпин баҕарабын.…
Илиҥҥи экэнэмиичэскэй пуорумҥа (ИЭП) Саха Өрөспүүбүлүкэтэ уонча сыл устатыгар 200-тэн тахса сөбүлэһиини түһэристэ. Олору олоххо…