Хаартыска art-college.saha.muzkult.ru
Саха сирин медицинскэй тэрилтэлэригэр «100 хартыына» бырайыак худуоһунньуктартан саҕалаан волонтердары, урбаанньыттары уонна атын кыттыгастаах дьону түмэринэн элбэх кырдьыгы илдьэ сылдьар бырайыак буолар.
«Өлүөнэ очуостара» национальнай паарка директора Семенов Аркадий Анатольевич бырайыак чэрчитинэн салайар хартыыналарын уонна «Кындыкан» айар холбоһугу кытта бииргэ тэрийэр бырайыактарын туһунан сиһилии кэпсээтэ.
Аҕыс худуоһунньук уонна аҕыс волонтер Хоту дойду тиэмэтигэр 100 хартыына суруйдулар. Үлэлэргэ фотокалитическай, ол эбэтэр салгыны хос үүнээйилэриттэн куһаҕана суохтук ыраастыыр, кыраасканы туһаннылар. Бырайыак ааптардарын санааларынан хартыыналар хамсык ыарыытын утары үгүс сыраларын биэрбит Саха сирин медицинскэй тэрилтэлэр үлэһиттэригэр махтаныы бэлиэтэ буолуохтара.
Дьокуускай куорат №3-дээх уонна Өрөспүүбүлүкэтээҕи клиническэй балыыһалар кылаабынай быраастара Давыдова Светлана Николаевна, Васильев Николай Николаевич хартыыналар эмтэнээччилэргэ туох туһалаахтарын, ханна ыйыылларын, акция туһунан санааларын үллэһиннилэр.
Хартыыналар 2022 сыл сааһыттан суруллан саҕалаабыттара, оттон сыл бүтүүтүгэр, ахсынньы ыйга, бырайыак түмүктэнэр чааһыгар киирбитэ.
«100 хартыына» акция хас биирдии партнера, тэрилтэ соругун уонна философиятын арыйар ис хоһоонноох хартыыналары бэйэтин салайыытыгар ылбыта.
Наталья Решетняк «Bon Ami» французскай пекарня ситимин салайааччыта дьиэ кэргэн үгэстэрэ уонна Хотугу дьоннор культураларын харыстаан илдьэ сылдьыы суолталааҕын бэлиэтээтэ. Оттон «Саха дьаарбаҥката» директора Семён Мапулов тэрилтэ аатыттан ханнык хартыыналар баалларын уонна туох акцияларга кыттыбыттарын туһунан билиһиннэрдэ.
Уус-уран үлэлэр уонна «Кындыкан» айар холбоһук атын хайысхаларын төрүттэниилэригэр, айыллыыларыгар күүс-көмө, өйөбүл буолбут «100 хартыына» бырайыак худуоһунньуктарыгар уонна кыттыгастаах дьонугар улахан махталбытын тиэрдэбит!
Антонина Шадринаҕа, Мира Аргуноваҕа, Василий Камшилиҥҥа, Горнова Элизаҕа, Свешникова Лизаҕа, Ощепкова Эльвираҕа, Мордовской Эрсаҥҥа, Куртц Айнаҕа, Необутова Аннаҕа, Яковлева Нарыйаҕа.
Ол эрээри оппозиция евроинтеграция диэн көөчүктээн майдаан суолун тутуһар диэн этэр политолог Чокуур Гаврильев.
Ааспыт сууккаҕа өрөспүүбүлүкэҕэ буруйу оҥоруу 8 түбэлтэтэ бэлиэтэннэ. СӨ Борокуратуурата иһитиннэрбитинэн, Кэбээйи улууһун Сэбээн Күөлүгэр …
КЧС быһаарыытынан Ньурба куоракка, Дьаархан уонна Октябрьскай нэһилиэктэригэр ыксаллаах быһыы-майгы эрэсиимэ биллэрилиннэ. Бу туһунан олоҕу-дьаһаҕы…
Бырабыыталыстыба бэрэссэдээтэлин бастакы солбуйааччы Дмитрий Садовников бүгүн сарсыарда халаан балаһыанньатын билиһиннэрдэ. - Өлүөнэ өрүс…
Өлүөнэ өрүскэ мууһа Хаҥалас уонна Өлүөхүмэ оройуоннарынан устар. Муус алын кырыыта Хаҥалас Иһит сэлиэнньэтин аннынан …
«Полярные авиалинии» АХ Өлүөнэ өрүскэ гидрологическай быһыы-майгы сытыырхайдаҕына, Ми-8 бөртөлүөтүнэн нөҥүө кытылга дьону таһарга бэлэмин…