Хаартыска: Альбина Ноговицына тиксэриитэ.
Сааскы өрөбүллэри баттаһан Кэбээйи улууһун Ньидьили нэһилиэгин «Тускул» сынньалаҥ киинигэр «Далбар» эбээлэр түмсүүлэрэ мустан, эһиилги Олоҥхо ыһыаҕар анаан олбох тигиитин үлэтэ саҕаланна.
«Уран-иис» түмсүү салайааччыта, норуот маастара Эверстова Мария Николаевна уонна уус-уран оҥоһук маастара Винокурова Астра Ивановна иилээн-саҕалаан, бастакы үс күн олбох таҥаһын быһыыта түмүктэннэ. Онтон салгыы тэрилтэлэринэн, түмсүүлэринэн үллэстэн тигиэхтэрэ. Ол кэнниттэн чаппараах тигиитэ саҕаланыа. Олоҥхо ыһыаҕар диэри нэһилиэктэринэн былааннаммыт иистэри тигэргэ нэһилиэк олохтоохторо бэлэмнэр.
Мария Николаевна Эверстова, норуот маастара:
-Эһиил биһиги улууспутугар Олоҥхо ыһыаҕа буоларынан сибээстээн, нэһилиэктэргэ олбох уонна чаппараах тигиитигэр сорудах бэриллибитэ. Биһиги нэһилиэкпит 100 олбоҕу, 20 чаппарааҕы тигэн бэлэмниэхтээх. Олбохпутун биэс харах харысхал бэлиэлээх гына тигэбит, үс араас өҥнөөх габардины таллыбыт: от күөҕэ хараҥатын, сырдыгын уонна кыһыл хараҥаны.
Дария Константиновна Кондакова, “Далбар” эбээлэр түмсүүлэрин салайааччыта:
-Биһиги, “Далбар” эбээлэр түмсэммит байыаннай дьайыы саҕаланыаҕыттан кыахпыт баарынан үлэлэһэ сылдьабыт. Хаххалыыр сиэккэ, кээнчэ баайан, балык ыһаарылаан, нэһилиэнньэ уопсай үлэтигэр көмөлөһөбүт. Билигин эһиилги ыһыахха олбох быһыытыгар үлэлэһэ сылдьабыт.
Альбина Ноговицына, “Тускул” сынньалаҥ киинин уус-уран салайааччыта.
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…
Ыам ыйын 29 күнүгэр Таатта улууһун Харбалаах сэлиэнньэтин уһуйааныгар самаан сайыны көрсө “Үрүҥ тунах” ыһыах…
-- Байыаннай дьайыы зонатыгар сылдьар эбэтэр госпитальга сытар байыаннай сулууспалаах электроннай каартатынан атын киһи (аймаҕа,…
Аллараа Халыма улууһун Черскэй бөһүөлэгэр 17 саастаах оҕо киһини улаханнык эчэтэн, өлүүгэ тиэрдибитинэн холуобунай дьыала…
Ил Дархан Айсен Николаев оробуочай сырыытынан Аллараа Халыма оройуонугар сылдьан улуус баһылыга Ярослав Бандеровтыын көрүстэ.…
ИДьМ Нерюнгритааҕы отделын дьуһуурунай чааһыгар суһал көмө диспетчерэ 36 саастаах эр киһи быһаҕынан анньыллан балыыһаҕа…