Хаартыска: sakha.gov.ru саайтан.
Бүгүн, атырдьах ыйын 28 күнүгэр, Дьокуускайга “Холод – ресурс, безопасность – развитие” стратегическай сиэссийэ саҕаланна. Манна 100-тэн тахса эспиэр кытынна, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Тэрээһиҥҥэ Саха сирин Наукаларын академиятын, РНА институттарын уонна кини салааларын, ХИФУ, АГАТУ, АГИКИ учуонайдара, исписэлиистэрэ, бырамыысыланнай уонна оҥорон таһаарар тэрилтэлэр, биэдэмистибэлэр, министиэристибэлэр бэрэстэбиитэллэрэ кытыннылар. Саха сирин Наукаларын академиятын Бэрэсидьиэнэ Леонид Владимиров тоһоҕолоон эппитинэн, тымныы — биһиги эрэгийиэммит стратегическай кыаҕа буолар. Өрөспүүбүлүкэҕэ тымныыны, килиимэти, ирбэт тоҥу, о.д.а. хайысхалары үөрэтэр кыах итиэннэ ураты чинчийэр уопут мунньулунна.
“Билигин биһиэхэ ирбэт тоҥу чинчийэр киини аһар сорук турар. Кыахтаах билим-чинчийэр киини тутуу Кэлим научнай-чинчийиилэр бырагыраамаларыгар баар», – диир Леонид Владимиров. Стратегическай сиэссийэ үс бөлөҕүнэн барар уонна тымныыны уйар технологияларга, энергетическэй, ас-үөл, экологическай, о.д.а. куттал суох буолуутугар, мэдиссиинэҕэ, доруобуйа харыстабылыгар ананна. Тэрээһини Ил Дархан уонна СӨ Бырабыыталыстыбатын дьаһалтата, РНА уонна СӨ НА үлэһиттэринэн тэрилиннэ.
Ил Дархан Айсен Николаев «АЛРОСА» хампаанньа үлэһиттэрин уонна бэтэрээннэрин Саха Өрөспүүбүлүкэтин салалтатын уонна тус бэйэтин…
Дьокуускайга тэллэйдии сылдьан муммут ыалы -- икки кыыс оҕолоох аҕаны буллулар. Бу туһунан СӨ Быыһыыр…
Өймөкөөн улууһугар өрүстэр уонна үрэхтэр хааларыттан тахсан, оройуоҥҥа ыксаллаах быһыы-майгы эрэсиимэ биллэрилиннэ. Улуус баһылыга Александр…
Өймөкөөн улууһугар 120-ттэн тахса тиэргэҥҥэ уу киирэн, 70-ча дьиэ ууга барда. Орто Балаҕан, Куйдуһун, Биэрэк…
ХИФУ устудьуона Валерия Непомнящая Дьокуускайга Сайсары күөлгэ оҕолордоох куһу бэлиэтии көрөн, видеоҕа устубут. Валерия хаартыскаҕа…
Бүгүн, от ыйын 16 күнүгэр, сарсыарда СӨ Быыһыыр сулууспатын исписэлиистэрэ Дьокуускайга ойуурга сүппүт эр киһини…