Ил Дархан, бырабыыталыстыба дьаһалтатын пресс-сулууспата.
ИТ-кииннэргэ оҕолору, ыччаты, улахан дьону программированиеҕа уонна дизайнҥа үөрэтии саҕаланна. Ил Дархан анал этиитигэр маннык кыаҕы элбэх дьон үөрэнэригэр биэриэххэ наада диэн этэн турар.
— Сотору кэминэн оҕолорго уонна улахан дьоҥҥо анимацияны үөрэтэр бырагыраама түмүктэниэҕэ. Билиҥҥитэ Дьокуускайга уонна 16 улууска 100-тэн тахса киһи үөрэннэ, — диэн инновацияҕа, сыыппаранан сайдыыга уонна инфокоммуникационнай технологияларга миниистир Василий Ефимов кэпсээтэ.
Бу үөрэтэр бырагыраама Skillometer платформаҕа ыытыллар. Бырагыраамаҕа 2D анимация ньыматыгар, креативнай стартап арыйыыга, сценарийы оҥорууга, ааптар быраабын көмүскээһиҥҥэ, о.д.а. үөрэтэр.
Түмүктүүр тэрээһининэн «Дьиэ кэргэн — оҕо саас биhигэ» диэн оскуолатааҕы анимационнай устуудьуйаларга, дьиэ кэргэн айар холбоһуктарыгар анаан ыытыллар анимационнай видеороликтар аһаҕас күрэстэрэ буолуоҕа.
Бүгүҥҥү күҥҥэ өрөспүүбүлүкэҕэ 15 ИТ-киин үлэлиир, быйыл Эдьигээн улууһугар саҥа ИТ-киин аһыллыаҕа.
Саха сирэ Уһук Илиҥҥэ креативнай индустрия сайдыытыгар лиидэр буолар, ИТ-бородууксуйатын 90%-нын тас эрэгийиэннэргэ таһаарар. Ааспыт сыл ахсынньытыгар Саха сирэ креативнай индустрия эйгэтигэр Арассыыйатааҕы национальнай бириэмийэ «креативнай эрэгийиэн» номинациятыгар лауреата буолбута. Онон бэрэсидьиэн Владимир Путин сорудаҕынан, өрөспүүбүлүкэ уопутун айар индустриялары сайыннарыыга эрэгийиэннээҕи ыстандаартары оҥорорго туһаммыттара.
Ил Дархан, бырабыыталыстыба дьаһалтатын пресс-сулууспата
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…