10000 м. эр дьоҥҥо Чурапчы быһыйа Дьулустаан Елисеев кыайда

Бүгүн сарсыарда тоҕустан күнүс 12.30 диэри «Дьулуруйар Ньургун Боотур» стадиоҥҥа сүүрүүгэ күрэхтэһии көхтөөхтүк салҕанан бара турар.

Эр дьоҥҥо 10000 м Чурапчы быһый атахтааҕа Дьулустаан Елисеев кыайыыны ситистэ. МЧС үлэлиир күрэсчит «Манчаары оонньууларыгар` номнуо үһүс кыттыыта.

Күрэсчит санаатын үллэһиннэ:

— Чурапчыттан сүүрүүгэ Алексей Аргуновтыын иккиэ буолан кэллибит. Ахсыс кылаастан сүүрүүнэн дьарыктаммытым. «Манчаары оонньууларыгар» бу иннинэ кыттаммын ааттаах-суоллаах спортсмен Артур Бурцев кэнниттэн иккис миэстэ буолан турардаахпын. Бүгүн кыайаммын наһаа үөрдүм. Үчүгэй бэлэмнээх уолаттар элбэхтэр.