Хаартыска sakha.gov.ru ылылынна
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн иһэр Саҥа дьылынан СӨ Ил Дарханын уонна Бырабыыталыстыбатын дьаһалтатын салайааччы Георгий Михайлов эҕэрдэлээтэ.
Кини ытык кырдьаҕаска СӨ Ил Дарханын Айсен Николаев эҕэрдэтин тиэртэ.
—Наум Трифонович, кэлэн иһэр Саҥа дьылынан эҕэрдэлиибин! Эн бэтэрээн уонна учуутал быһыытынан Саха сирэ уонна дойдубут сайдарын туһугар элбэҕи оҥорбутуҥ холобур буолар. Уоттаах сэриигэ сөҕүмэр кыайыыны уһансыбыт ытык көлүөнэ бэрэстэбиитэлэҕин. Аан дойдуга, биһиэхэ, кэлэр кэнчээри ыччакка эйэлээх олоҕу уһансар туһугар оҥорбуккут тугунан да кэмнэммэт. Үтүө сүбэҕитинэн көмөҕүт иһин махтанабыт. Сэргэх буолууну, үтүөнү баҕарабын, — диэтэ Георгий Николаевич.
96 сааһыгар шахмакка успуорт маастарыгар кандидат буолбут бочуоттаах бэтэрээҥҥэ саҥа шахматы бэлэхтээтэ. Наум Трифонович сааһын тухары бу оонньуунан үлүһүйэр. Үлэлиир кэмигэр хас да көлүөнэ шахматка оонньооччулары иитэн-такайан таһаарда. Кини шахмат турнирын тиһиктээхтик ыытар, онно бэйэтэ бириис олохтуур.
Ытык киһи успуорт алта көрүҥэр бастакы разрядтаах — шахмакка, дуобакка, хайыһарга, сүүрүүгэ, остуол тенниһигэр, буулдьанан ытыыга.
Наум Трифонович Слепцов Таатта улууһугар Чөркөөххө Күүнээйи учаастагар 1924 с. кулун тутар 8 күнүгэр төрөөбүт. Фроҥҥа 1945 сыллаахха ыҥырыллыбыт. Дьоппуон милитаристарын кытта кыргыһыылары ааспыт. «Туйгун бүлүмүөтчүк» бойобуой бэлиэнэн наҕараадаламмыт.
Наум Трифонович Аллайыаха, Горнай, Чурапчы, Томпо, Таатта оройуоннарыгар учууталлаабыт. Кириэс Халдьаайы уонна Бэрдьигэстээх орто оскуолаларыгар дириэктэрдээбит.
Сиһилии: https://www.sakha.gov.ru/news/18033
СӨ Ил Дарханын уонна Бырабыыталыстыбатын пресс-сулууспата
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…