Хаартыска: sakha.gov.ru
Саха сирин олохтооҕо 104 саастаах Татьяна Сафонованы аҕам саастаахтар дэкээдэлэринэн вице-премьер Георгий Степанов эҕэрдэлээтэ.
Татьяна Семеновна Сафонова – номоххо киирбит киһи. 1921 сыл тохсунньутугар Өлүөхүмэ Дабааныгар күн сирин көрбүтэ. Тырахтарыыстаабыта, биригэдьиирдээбитэ, мэхэньисээтэрдээбитэ. Тыа хаһаайыстыбатын мэхэньисээтэрдэрин оскуолатыгар үөрэнэн, уһуйааҥҥа сэбиэдиссэйдээбитэ, Дабаааннааҕы сельсоветы салайбыта.
Ытык сааһыгар сылдьан, Татьяна Семеновна олоххо көхтөөх көрүүлээх, барыны бары интэриэһиргиир. Соторутааҕыта төрөөбүт дойдутуттан кэлбитэ, сайынын Чурапчыга атаарар этэ. Билигин Дьокуускайга сиэнигэр олорор.
«Биһиги өрөспүүбүлүкэбитигэр дьон олоҕор уонна аҕам саастаахтарга улахан болҕомто ууруллар. Бу судаарыстыбаннай бэлиитикэ приоритета буолар. Бэрэсидьиэн Владимир Путин сорудаҕынан олоххо киирэр «Продолжительная и активная жизнь» национальнай бырайыак иитинэн үлэ ыытыллар. Бүгүн миэхэ ытыктабыллаах бэтэрээммитин Татьяна Семеновна Сафонованы эҕэрдэлиир улахан чиэс тигистэ. Татьяна Семеновна кыыһын Жанна Иннокентьевна Васильеваны кытта Чурапчыга бииргэ үлэлээбиппит, сиэнинээн Леналыын Чурапчы землячествотын актыбыыстара буолабыт, оттон хос сиэнин Аяны кытта бырабыыталыстыбаҕа бииргэ үлэлиибит», — диэн Георгий Степанов эттэ.
Татьяна Сафонова кэргэнинээн икки кыыстаахтар, тоҕус сиэннээхтэр, 19 хос сиэннээхтэр уонна 15 хос-хос сиэннээхтэр.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …