Хаартыска Тааттатааҕы норуот айымньытын дьиэтин тиксэриитэ.
Тааттаҕа Ийэ олоҥхоһут П.Е.Решетников-Көһөҥө Бүөтүр төрөөбүтэ 95, олоҥхоһут, ырыаһыт, чабырҕахсыт, фольклорист М.Н.Андросова-Ионова төрөөбүтэ 160 сылларыгар анаммыт олоҥхону нэһилиэнньэнэн толоруу тэрээһинэ буолла.
Күөн күрэскэ быйыл 11 нэһилиэктэн 102 олоҥхону толорооччу кытынна. Түөлбэ олоҥхолорун П.А.Ойуунускай «Дьулуруйар Ньургун Боотур», «Туналҕаннаах ньуурдаах Туйаарыма Куо», П.Е.Решетников-Көһөҥө Бүөтүр «Айыы Дьураҕастай», М.Н.Андросова-Ионова «Үүт Аас бэйэлээх Үрүҥ Айыы тойон ыччаттара», Бүөтүр Оҕотоойоп «Эһэ хара аттаах Элэс Боотур», К.Оросин «Дьулуруйар Ньургун Боотур» олоҥхолору толордулар.
Хас биирдии бөлөҕү дьүүллүүр сүбэ иһиттэ, сыаналаата. Түмүккэ дьон-сэргэ көхтөөхтүк кыттыбытырн бэлиэтээтилэр.
Быйыл улуус иһинээҕи күөн күрэскэулахан нэһилиэктэр бөлөхтөрүгэр Тыараһа бастаата, иккискэ Орто Амма таҕыста, үһүс бириистээх миэстэҕэ Октябрьскай нэһилиэгэ тигистэ. Анал ааты Дьохсоҕон уонна Таатта нэһилиэктэрэ ыллылар.
Дьоҕус нэһилиэктэргэ Уус Амма бастаата, Амма, Уолба иккистээх үһүс буоллулар, Игидэй анал ааты ылла.
Аны Аммаҕа буолуохтаах Олоҥхо ыһыаҕар бэлэмнэнии саҕаланна.
Норуот айымньытын дьиэтэ,
Таатта.
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…
Горнай оройуонугар ДПС иниспиэктэрдэрэ кыһыҥҥы тымныыга массыыната алдьаммыт суоппарга көмөлөстүлэр. Бу туһунан ИДьМ пресс-сулууспата иһитиннэрдэ. …
Эдьигээн оройуонугар суол саахалыгар икки киһи эмсэҕэлээтэ. Бу туһунан Госавтоиниспиэксийэ иһитиннэрдэ. Ахсынньы 22 күнүгэр …
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…