Идэлээх сойуустар көхтөөх үлэһиттэрин кытта РФ Бэрэсидьиэнэ Владимир Путин Саха сиригэр итэҕэллээх киһитэ Марина Бахилина көрүстэ.
Саха сирин профсоюзтарын федерациятын 2023 сыллааҕы үлэтин туһунан отчуот кэнниттэн, Марина Бахилина өрөспүүбүлүкэ сайдыытыгар, дьон-сэргэ олоҕо-дьаһаҕа тупсарыгар кыһамньылаах үлэлэрин иһин махтанна.
—Дьоҥҥо көмөлөһүөн, үлэлиэн баҕалаах, тэрээһиннэргэ көхтөөхтүк кыттар дьон ортотугар сылдьарбын сөбүлүүбүн. Идэлээх сойуустар туһунан истиҥ-иһирэх санаалаахпын. Хас да сыллааҕыта дьиэм баһаартан эмсэҕэлээбитигэр, миэхэ бастакынан профсоюз кэлбитэ, — диир кини. Идэлээх сойуустар туохха барытыгар куруутун инники сылдьалларын этэр.
—Хас биирдиигит аттыгытыгар үлэ кэлэктииптэрэ бааллар. Онон үлэһиттэр кыһалҕалаах боппуруостарын чуолкайдык бэлиэтээн, хорсуннук көтөҕөр кыахтааххыт. Кыһамньылаах үлэҕит иһин махтанабын. Дьон-сэргэ туох кыһалҕалааҕын, кинилэри туох долгутарын бастакынан эһигиттэн истиэххэ сөп, — диир Марина Бахилина.
СӨ Идэлээх сойуустара соторутааҕыта РФ Бэрэсидьиэнин хандьыдаатын уопсастыбаннай приемнайыгар этиилээх тахса сылдьыбыттара. Ол курдук, култуура үлэһиттэрин идэлээх сойуустарын рескомун бэрэссэдээтэлэ Анастасия Самсонова «РФ биэнсийэ туһунан» сокуону уларытан, айар үлэһиттэргэ үлэ урукку ыстааһын төнүннэрэргэ этии киллэрбитэ. Маныаха уларыйыыларынан балериналар, акробаттар, цииркэ үлэһиттэрин бырааптара күөмчүлэммитэ бэлиэтэммитэ.
Идэлээх сойуустар улахан уопсастыбаннай тэрилтэ буолалларынан, байыаннай дьайыы саҕаланыаҕыттан, тэрилтэлэр, организациялар байыастарга уонна кинилэр дьиэ кэргэттэригэр көмөлөһөллөрүгэр, өйөбүл буолалларыгар ыҥырбыттара. Ону сэргэ, мобилизация кэмигэр сүбэ-ама биэрэн көмөлөспүттэрэ.
Санатан эттэххэ, эрдэ Киин быыбардыыр хамыыһыйа Владимир Путин итэҕэллээх дьонун бигэргэтэн турар. Итэҕэллээх дьонунан култуура, ускуустуба, успуорт, биисинэс, мэдиссиинэ эйгэтигэр биллэр-көстөр үлэлээх дьон буолбуттара. Кинилэр ортолоругар актердар Сергей Безруков, Владимир Машков, режиссер Никита Михалков, дирижер Юрий Башмет, тириэньэр Ирина Винер уо.д.а. бааллар.
Арассыыйа бэрэсидьиэнин быыбара 2024 сыл кулун тутар 15-17 күннэригэр ыытыллар.
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…