11 кылаас үөрэнээччитэ байыаннай дьайыыга сылдьар буойуттарга анаан 20 саха быһаҕын оҥордо

Чурапчытааҕы И.М.Павлов аатынан 2-с нүөмэрдээх орто оскуола 11 кылааһын үөрэнээччитэ Эрсан Макаров  байыаннай дьайыыга сылдьар буойуттарга анаан 20 саха быһаҕын оҥорон аҕалан туттаран, кыайыыга бэйэтин тус кылаатын киллэрдэ диэн @churapchinsky иһитиннэрдэ.

Чурапчы улууһун баһылыгын бастакы солбуйааччы Рустам Данилов салайааччылаах улуус дэлэгээссийэтэ байыаннай дьайыыга сылдьар буойуттарга гуманитарнай көмөнү тиэрдэ бу күннэргэ айаҥҥа турунан эрэр. Улуус тэрилтэлэрэ, дьоно-сэргэтэ бу курдук кыралыын-улаханныын кыттыһан, күүстэрин түмэн, хомуйан ыытар үтүө үгэстэрин өрө туталлар, этэҥҥэ уолаттар Кыайыы аргыстаах чөл, чэгиэн эргиллэн кэлиэхтэригэр эрэллээхтэр.