Хаартыска: Андрей Сорокин, СИА.
Ыам ыйын 17 күнүгэр өрөспүүбүлүкэҕэ Бүтүн Арассыыйатааҕы түмүктүүр аттестация кыттааччыларын кытта эрчиллэр тэрээһин буолан ааста.
Биир кэлим эксээмэн (ЕГЭ) сүрүн түһүмэҕин иннинэ эрчиллэр тэрээһин иитинэн эксээмэн ыытыллар пууннарын тиэхиньиичэскэй бэлэмнэрин бэрэбиэркэлээтилэр, эксээмэн барыытыгар тэрийээччилэр уонна тиэхиньиичэскэй исписэлиистэр толоруохтаах үлэлэрин көрдүлэр, онтон оскуоланы бүтэрээччилэр эксээмэн үлэтин толоруу 2023 сыллааҕы матырыйаалынан (КИМ) холонон көрөллөрүгэр кыах бэрилиннэ.
“Эрчиллэр тэрээһиҥҥэ 212 эксээмэн тутар пуун кытынна. Абитуриент буолуохтаах дьон бастакы дьиҥнээх эксээмэни ыам ыйын 26 күнүгэр суруйуохтара. Бу күн химияҕа, географияҕа уонна литэрэтиирэҕэ билиилэрин тургутан көрүөхтэрэ. Онон өйдөрүн-санааларын сааһыланалларыгар уонна сыыһаларын көрүнэллэригэр биир нэдиэлэ хаалар”, — диэн СӨ Үөрэҕин уонна билимин министиэристибэтин Үөрэх хаачыстыбатын кэтээн көрөр киинин дириэктэрэ Надежда Попова этэр.
Эрчиллэр тэрээһини кытта сэргэ биир кэлим эксээмэн сүрүн түһүмэҕин иннинэ видеонан кэтээн көрүү систиэмэтин бэрэбиэркэлээтилэр (тестирование). Ону тэҥэ, эксээмэн тутар пууннар бары үлэһиттэрэ Тестирование федеральнай киинин платформатыгар үөрэҕи аастылар. Видеонан кэтээн көрөр систиэмэни боруобалааһын (апробация) уонна бэрэбиэркэлээн көрүү (тестирование) штатнай эрэсиим быһыытынан ааста. Эрэгийиэн оскуолаларга биир кэлим эксээмэни ыытарга 100 % бэлэм. Бу туһунан СӨ Үөрэҕин уонна билимин министиэристибэтэ Үөрэҕи кэтээн көрөр киин суруйутугар сигэнэн сырдатар.
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…