11 суол быһылаана тахсан, үс киһи эмсэҕэлээтэ

Ааспыт сууккаҕа Дьокуускай куоракка 11 суол быһылаана тахсан, үс киһи эмсэҕэлээтэ.

Муус устар 7 күнүгэр сарсыарда 7 чааска Госавтоиниспиэксийэ дьуһуурунай чааһыгар Намныыр тракка суол кытыытыгар массыына тахсыбытын туһунан иһитиннэрии киирбит.  Госавтоиниспиэксийэ сотрудниктара быһылаан тахсыбыт сиригэр тиийбиттэрэ, барыллааһын быһыытынан 28 саастаах «Toyota Corolla Fielder» суоппара олус түргэнник айаннаан  уонна метерологическай усулуобуйаны учуоттаабакка,  суолтан туораан түҥнэстибит.

Аны  33 саастаах  «Toyota Town Ace» суоппара «Нам» суолунан  хаҥас балаһанан Тулагы өттүттэн айаннаан иһэн,  уруулун кыайан туппакка,  халтарыйан аттынан иһэр «Daihatsu Mira» массыынаҕа түспүт.

Эмиэ бу күн киэһэ  Экспериментальнай уулуссаҕа,   1/1 №-дээх дьиэ таһыгар  49 саастаах   «Toyota Corolla» суоппара уруулун кыайан туппакка, халтарыйан  уулусса уотун  тирэҕэр кэлэн түспүт.

Эмсэҕэлээбит дьон  амбулаторнай эмтэниини ааһыахтара.