Саха сирин 11 тыһыынчаттан тахса олохтооҕо МАХ национальнай мессенджерга чат-бот нөҥүө «Мин докумуоннарым» киинигэр (МФЦ) суруттарда.
«Мин докумуоннарым» киин иһитиннэрбитинэн, МФЦ чат-ботун нөҥүө маннык өҥөлөрүнэн туһаныахха сөп: приёмҥа суруттарыы эбэтэр онтон аккаастаныы, сайабылыанньа туругун кэтээн көрүү, чугастааҕы офис көрдөөһүнэ уонна кини үлэтин гкыраапыгын билии.
Бу сервис сылдьыыга бэлэмнэнии кэмин биллэ кылгатар уонна Саха сирин олохтоохторугар судаарыстыбаннай өҥө ылыытын судургутутар. Чат-бот бу сигэнэн киириллэр: https://max.ru/mfcsakha_max_bot.
2026 сыл тохсунньутуттан докумуоннар бэлэм буолбуттарын туһунан бары иһитиннэриилэр чат-бот нөҥүө кэлэн саҕалаатылар. Ону таһынан, тургутан көрүү эрэсииминэн быһа чаат иһигэр исписэлиис консультациятын ылыахха сөп.
Саҥа сыыппара сервиһэ 2025 сыл сэтинньитигэр МФЦ-нан үлэҕэ киллэриллибитэ уонна кылгас кэм иһигэр приёмҥа түргэнник уонна табыгастаахтык эрдэттэн суруттарар ирдэбиллээх инструмен буолла диэн Кииҥҥэ бэлиэтээтилэр.
Саха сиригэр МАХ нөҥүө электроннай суруттарыы уонна онлайн-сервис систиэмэтин сайыннарыы РФ Бэрэсидьиэнэ Владимир Путин көҕүлээбит «Сыыппараҕа көһүү» национальнай бырайыагын сыалын-соругун толоруу чэрчитинэн ыытыллар. Бу үлэ ону таһынан Саха сирин Ил Дархана Айсен Николаев бигэргэппит экэниэмикэ салааларын, социальнай эйгэни уонна судаарыстыбаннай салайыыны сыыппараҕа уларытан тэрийии эйгэтигэр стратегиятын иитинэн ыытыллар.
МАХ национальнай мессенджерэ бүтүн өрөспүүбүлүкэҕэ суолталаах официальнай кэпсэтэр-сибээстэһэр былаһаакканан буолар.
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…
Бу күннэргэ Хаҥалас уонна Абый улуустарын дэлэгээссийэлэрэ байыаннай дьайыы зонатыгар үлэлииллэр. Донецкай Норуодунай Өрөспүүбүлүкэҕэ Саха…