Салгыы
11 улууска уустук халаан буолуо диэн сабаҕалыыллар

11 улууска уустук халаан буолуо диэн сабаҕалыыллар

Ааптар:
07.03.2023, 16:20
Хаартыска: Андрей Сорокин, СИА.
Бөлөххө киир:

Барыллаан сабаҕалааһынынан, Саха сиригэр өрүстэр кэмигэр эстиэхтэрэ, сорох сирдэринэн үс сууккаҕа диэри эрдэлиэҕэ. Уон биир улууска харыы тахсыан сөп. Өрөспүүбүлүкэҕэ халааннааһын тахсыбатын туһугар хараардыы үлэтин ыыталлар, мууһу эрбииллэр. Бу сыалга анаан федеральнай бүддьүөттэн 45 мөл. солк. көрбүттэр.

Саха сиринээҕи гидрометеорология уонна тулалыыр эйгэни кэтээн көрөр управление сабаҕалааһынынан, Өлүөнэ өрүскэ харыы Дьокуускайга, Ленскэй, Өлүөхүмэ, Хаҥалас, Нам, Кэбээйи улуустарыгар, Алдаҥҥа – Уус Маайа уонна Томпо улуустарыгар, Аммаҕа – Амма уонна Таатта улуустарыгар, Халымаҕа – Орто Халыма улууһугар тахсыан сөп.

Муус барыыта саҕаланаатын кытта харыы тахсыбатын туһугар мууһу кэбирэтии үлэтин ыыталлар. Исписэлиистэр бэлиэтииллэринэн, уонта тахса сыл устата бу биир сүрүн уонна көдьүүстээх ньыма быһыытынан биллэр. Бу үлэҕэ анаан быйыл федеральнай хааһынаттан 45 мөл. солк. кэриҥэ көрүллүбүт. Аааспыт сылы кытта тэҥнээтэххэ 21,45 % элбэх.

“Мууһу кэбирэтии үлэлэрэ киин улуустарга муус устар саҥатыгар саҕаланыахтара уонна муус устар 25 күнүгэр түмүктэниэхтэрэ, хоту – ыам ыйын 5 күнүгэр диэри”, — диэн Уу ресурсаларын федеральнай ааҕыныстыбатын Өлүөнэ тардыытынааҕы ууга управлениетын салайааччыта Петр Аргунов иһитиннэрэр.

Анастасия Филиппова, СИА.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 мая
  • 18°C
  • Ощущается: 16°Влажность: 22% Скорость ветра: 4 м/с

Сообщить об опечатке

Текст, который будет отправлен нашим редакторам: