сахагов
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин эрэгийиэнинэн буолар. Нэһилиэнньэ бэйэтин айылгытынан элбээһининэн дойдуга 8-с миэстэлээхпит.
“Элбэх оҕолоох улахан ыалы өйөөһүн – биһиги стратегическай сорукпут. Бу Арассыыйа инники кэскилэ, “—диэбитэ Арассыыйа Бэрэсидьиэнэ Владимир Путин.
Федеральанй миэрэлэр ортолоругар – ийэ хапытаала уонна биир кэмнээх төлөбүрдэр. Саха сирэ эбии эрэгийиэн миэрэтин биэрэр.
“Демография боппуруостара олус суолталаахтар, дойду нэһилиэнньэтэ бигэтик үүннэҕинэ эрэ инники сайдыахпыт. Өрөспүүбүлүкэҕэ баар үтүө тенденциялартан түһүө суохтаахпыт”, — диэтэ Айсен Николаев.
Өрөспүүбүлүкэҕэ “Дьиэ кэргэн” ийэ хапытаала икки төгүл улаатта, ити билигин 316 тыһ. солкуобай. 2027 сылга диэри “Дети столетия” тус сыаллаах хапытаал болдьоҕо уһаата, бүгүн кээмэйэ – 116 тыһ. солк. тахса. Эдэрдэр ыал буоллахтарына, 2024 сыл тохсунньу 1 күнүттэн 50 тыһ. солк. төлөбүрү ылаллар.
“Саха сирин курдук кыһамньылаах өрөспүүбүлүкэҕэ олорорбуттан киэн туттабын. “Дети столетия” хапытаалы биир бастакынан ылбыппыт. Бу олус улахан көмө. Оҕобут үөрэҕэр кэлин туһаныахпыт. Айсен Сергеевич Николаевка уонна Бырабыыталыстыбаҕа истиҥник махтанабын”, — диэтэ Дьокуускайтан эдэр ийэ Валентина Николаева.
Санаттахха, 2023 сыл бэс ыйыгар Саха сиригэр нэһилиэнньэ ахсаана историяҕа иккис төгүлүн мөлүйүөннээх кирбиигэ тиийбитэ. 2025 сыл кулун тутар 1 күнүгэр 1 005,5 тыһ. киһи буолбута. Эрэгийиэннэр ортолоругар Арассыыйаҕа 10-с миэстэбит, Уһук Илиҥҥэ бастакыбыт.
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…
Дьокуускай куоракка ааспыт сууккаҕа холуобунай ирдэбил үлэһиттэрэ икки уорууну арыйдылар. ИДьМ пресс-сулууспата суруйарынан, икки ноутбук…