Хаартыска: «Триумф» успуорт уораҕайын пресс-сулууспата
Мас тардыһыыга Бүтүн Арассыыйатааҕы чөмпүйэнээккэ Саха сирин сүүмэрдэммит хамаандатыгар 26 спортсмен кыттыаҕа.
Саха сирин сүүмэрдэммит хамаандатыгар 26 спортсмен иһигэр мас тардыһыыга Бүтүн Арассыыйатааҕы чөмпүйэнээккэ кыттарга аан дойду алта чөмпүйүөнэ киирэрэ быһаарылынна диэн «Триумф» успуорт уораҕайын пресс-сулууспата суруйар.
Кинилэртэн саамай уопуттааҕынан Арассыыйа успуордун үтүөлээх маастара, аан дойду үс төгүллээх чөмпүйүөнэ Дмитрий Попов буолар. Сүрүн тириэньэр Алексей Агапов салалтатынан хамаанда Санкт-Петербург куоракка айаҥҥа турунна. Муус устар 13-14 күннэригэр ыытыллар чөмпүйэнээккэ дойду саамай күүстээх мас тардыһааччылара быһаарыллыахтара. Тэрээһиҥҥэ 30-тан тахса эрэгийиэннэр хамаандалара кытталлара күүтүллэр. Бу күрэххэ Аан дойду уонна Европа чөмпүйэнээттэригэр кыттарга спортсменнары сүүмэрдээһин ыытыллыаҕа.
Саха сирин сүүмэрдэммит хамаандатыгар киирдилэр: Артур Жирков, Владимир Баишев (60 кг), Дмитрий Саввин, Павел Павлов (65 кг), Айсиэн Мигалкин, Валерий Никаноров (70 кг), Василий Захаров, Евгений Удин (75 кг), Андрей Винокуров, Алексей Федоров (80 кг), Владимир Никитин, Егор Атласов (90 кг), Дмитрий Попов, Никита Татаринов (105 кг), Эрчим Баппагай, Валентин Горохов (125 кг), Сергей Фролкин, Евгений Попов (125+ кг), Валентина Суханова, Наталья Черноградская (55 кг), Фаина Дмитриева, Норайаана Трофимова (65 кг), Лия Плотникова, Елена Алексеева (75 кг), Саина Сивцева, Вера Чичигинарова (85 кг).
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…