116 ыал олорор дьиэтигэр гааһы киллэрэргэ көмөнөн туһанна
![](https://sakha-sire.ru/wp-content/uploads/2023/07/gaz-e1688721219326-900x596.jpg)
Ил Дархан Айсен Николаев сорудаҕынан анал байыаннай эпэрээссийэ кыттыылаахтарыгар уонна кинилэр дьиэ кэргэннэригэр сылааһы биэриигэ холбонорго биир кэмнээх аадырыстаммыт көмөнү оҥоруу салҕанар.
«Билигин биирдиилээн олорор дьиэлэргэ гааһы киллэриигэ үбүнэн-харчынан көмө анал эпэрээссийэ 116 кыттааччытыгар уонна кинилэр дьиэ кэргэттэрин чилиэннэригэр уопсайа 17 мөлүйүөнтэн тахса солкуобай суумалаах көмө оҥоһулунна. Көмө муҥутуур кээмэйэ 150 тыһыынча солкуобайга тиийэр” – диэн СӨ үлэҕэ уонна социальнай сайдыыга миниистирэ Елена Волкова бэс ыйын 27 күнүгэр брифиҥҥэ иһитиннэрдэ.
![](https://sakha-sire.ru/wp-content/uploads/2023/11/elena-volklva.jpeg)
Кини эппитинэн, олорор дьиэҕэ сылаас ситимин киллэрэргэ 2 мөлүйүөн солкуобай суумалаах уопсай үбүнэн 17 кыттааччы туһанна. Көмө муҥутуур кээмэйэ Арктика улуустарыгар 140 тыһыынчаҕа уонна киин улуустарга 125 тыһыынчаҕа тэҥнэһэр. Ону сэргэ Мииринэй, Ленскэй, Өлүөхүмэ, Ньурба уонна Сунтаар улуустарыгар уотунан сылытыыга холбонорго тиэхиньиичэскэй кыах баар. Кинилэргэ көмө муҥутуур кээмэйэ — 50 тыһыынчаҕа тиийэ.
Елена Волкова бэлиэтээн эппитинэн, сылааһы биэрии араас көрүҥэр биир кэмнээх аадырыстаммыт көмө орто дохуоту учуоттаммакка эрэ бэриллэр.
Байыаннай дьайыы кыттыылаахтара уонна кинилэр дьиэ кэргэттэрэ аадырыстаммыт көмөнү ылалларыгар олохтоох бэйэни салайыныы уорганнарыгар эбэтэр олорор сирдэринэн социальнай көмүскэл управлениетыгар кэлэллэр.
Сообщить об опечатке
Текст, который будет отправлен нашим редакторам: