Хаартыска: СӨ Ил Дархана
Ил Дархан Айсен Николаев сорудаҕынан анал байыаннай эпэрээссийэ кыттыылаахтарыгар уонна кинилэр дьиэ кэргэннэригэр сылааһы биэриигэ холбонорго биир кэмнээх аадырыстаммыт көмөнү оҥоруу салҕанар.
«Билигин биирдиилээн олорор дьиэлэргэ гааһы киллэриигэ үбүнэн-харчынан көмө анал эпэрээссийэ 116 кыттааччытыгар уонна кинилэр дьиэ кэргэттэрин чилиэннэригэр уопсайа 17 мөлүйүөнтэн тахса солкуобай суумалаах көмө оҥоһулунна. Көмө муҥутуур кээмэйэ 150 тыһыынча солкуобайга тиийэр” – диэн СӨ үлэҕэ уонна социальнай сайдыыга миниистирэ Елена Волкова бэс ыйын 27 күнүгэр брифиҥҥэ иһитиннэрдэ.
Кини эппитинэн, олорор дьиэҕэ сылаас ситимин киллэрэргэ 2 мөлүйүөн солкуобай суумалаах уопсай үбүнэн 17 кыттааччы туһанна. Көмө муҥутуур кээмэйэ Арктика улуустарыгар 140 тыһыынчаҕа уонна киин улуустарга 125 тыһыынчаҕа тэҥнэһэр. Ону сэргэ Мииринэй, Ленскэй, Өлүөхүмэ, Ньурба уонна Сунтаар улуустарыгар уотунан сылытыыга холбонорго тиэхиньиичэскэй кыах баар. Кинилэргэ көмө муҥутуур кээмэйэ — 50 тыһыынчаҕа тиийэ.
Елена Волкова бэлиэтээн эппитинэн, сылааһы биэрии араас көрүҥэр биир кэмнээх аадырыстаммыт көмө орто дохуоту учуоттаммакка эрэ бэриллэр.
Байыаннай дьайыы кыттыылаахтара уонна кинилэр дьиэ кэргэттэрэ аадырыстаммыт көмөнү ылалларыгар олохтоох бэйэни салайыныы уорганнарыгар эбэтэр олорор сирдэринэн социальнай көмүскэл управлениетыгар кэлэллэр.
Быйыл суолга кутталы суох буолууну хааччыйар туһуттан, 747 уол бэлиэтин туруоруохтара диэн Саха сирин массыына…
Ю.П. Степанов аатынан Өрөспүүбүлүкэтээҕи инбэлииттэри реабилитациялыыр социальнай-чэбдигирдэр кэлим кииҥҥэ анал байыаннай дьайыы 415 кыттыылааҕа уонна…
Анал байыаннай дьайыы кыттыылааҕа Семен Васильев Үөһээ Бүлүү улууһун дьаһалтатын тыа хаһаайыстыбатын управлениетын салайааччытынан ананна.…
Саха Өрөспүүбүлүкэтин Бырабыыталыстыбатыгар саха тылын тиэрминнэрин өрөспүүбүлүкэтээҕи хамыыһыйата мунньахтаан, санаа атастаhан баран, успуорка сыһыаннаах тиэрминнэр…
ИДьМ Дьокуускайдааҕы 3-с №-дээх полиция салаатын дьуһуурунай чааһыгар Бестужев-Марлинскай аатынан уулуссаҕа баар элбэх кыбартыыралаах дьиэ…
Муус устар 12-18 күннэригэр 79 эрэгийиэнтэн 290 үөрэнээччи уонна кинилэри арыаллыыр 128 киһи Дьокуускайга кэлэн,…