Дьуһуурунай борокуруор: Алдан олохтооҕуттан 2,4 мөл. солк. уоруллубут

Саха сиригэр ааспыт сууккаҕа 5 буруйу оҥоруу бэлиэтэннэ.

Бу туһунан СӨ Борокуратууратын пресс-сулууспата суруйар. Дьокуускайга дьахтар доруобуйатыгар ыарахан буортуну оҥорбут 1971 с.т. эр киһини туттулар. Киин куоракка уоруу туһунан сайабылыанньа киирбит. Дьокуускай куоракка, Алдан уонна Нам улуустарыгар түөкүннээһин үс чахчыта тахсыбытын туһунан иһитиннэрдилэр, чуолаан 1985 с.т. Алдан куорат олохтооҕуттан 2,4 мөл. солк. тахса суумалаах харчы уоруллубут.

Сууккаҕа 5 баһаар тахсыбыт, өлбүт уонна эмсэҕэлээбит дьон суох.

Нерюнгри улууһугар суол быһылааныгар биир киһи өлбүт. Сууккаҕа 5 суоппар итирик туруктаах сылдьан тутуллубут.