Муус устар 18 күнүгэр Казахстаан Өрөспүүбүлүкэтин Астана куоратыгар «Eurasian Book Fair — 2024» Евразия аан дойдутааҕы кинигэ быыстапка-дьаарбаҥкатын чэрчитинэн Алибек Аскаров «Сарбыллыбыт таптал: муммут дьылҕалаах көлүөнэ» кинигэни сүрэхтээтилэр.
Нуучча тылыттан саха тылыгар кинигэни СӨ Суруйааччыларын Сойууһун чилиэнэ Валерий Луковцев-Дьурустаан тылбаастаата. Алибек Аскаров Казахстаан биллэр суруйааччыта, судаарыстыбаннай бириэмийэ лауреата, «Парасат» уордьан кавалера уонна Саха сирин үтүө доҕоро буолар.
«Айар» кыһа омук литэрэтиирэтин тылбааһыгар ураты болҕомто ууран үлэлиир. Тылбаас саха литэрэтиирэтин байытарын таһынан норуоттар доҕордоһууларын бөҕөргөтөргө төһүү күүс буолар. Ол курдук, 2023 сыллаахха Алибек Аскаров Саха сирин туһунан казах тылынан суруллубут бастакы кинигэни таһаарбыта. В.Н. Луковцев үгүс сыл устата Чингиз Айтматов, Андрей Геласимов, Владимир Солоухин, Николай Шундик айымньыларын тылбаастаабыта. Маны таһынан саха суруйааччылара, бэйиэттэрэ бу үтүө дьыалаҕа бэйэлэрин сүҥкэн кылааттарын киллэрэллэр. Хардарыта тылбаас, доҕордоһуу ааспыт үйэттэн ситимин быспакка айымньылаахтык үлэлиирэ хайҕаллаах.
«Сарбыллыбыт таптал: муммут дьылҕалаах көлүөнэ» бу сыл кулун тутар ый ортото тахсыбыта уонна хайыы үйэ дьон биһирэбилин, билим эйгэтин исписэлиистэрин үрдүкү сыанабылын ылла. Тылбаасчыт айымньы сүрүн санаатын, идиэйэтин сүтэрбэккэ, быспакка, тута саха тылынан суруллубутун курдук тиэрдибит диэн бэлиэтииллэр.
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…