Хаартыска: Үөһээ Бүлүү улууһун дьаһалтатын пресс-сулууспата
Үөһээ Бүлүү улууһун баһылыгын социальнай хайысхаҕа уонна дьиэ кэргэн бэлиитикэтигэр солбуйааччы Анна Уларова салайааччылаах Өргүөт уонна Быракаан нэһилиэктэринэн «Социальный десант» ыытылынна.
Үөһээ Бүлүү улууһун социальнай хайысхалаах тэрилтэлэрин салайааччылара, исписэлиистэрэ олохтоох нэһилиэнньэни кытта көрсөн үлэлээтилэр. Биэнсийэлээхтэр уонна страховой пуонда салайааччыта Альбина Николаева биэнсийэҕэ тахсаары сылдьар олохтоохтортон эрдэтинэ сайаапка хомуйда, ыйытыыларга хоруйдаата, сүбэлэри биэрдэ. Нэһилиэнньэ дьарыктаах буолуутун киинин исписэлииһэ Е.В. Иванова учуокка турар дьону кытта үлэлэстэ.
Социальнай көмүскэл уонна үлэҕэ социальнай сайдыыга управлениетын салайааччыта Е.В. Николаева, исписэлиис М.И. Роменская социальнай патронажка ыалларынан сырыттылар уонна 2022-23 сс. социальнай хантараак ылбыт олохтоохтору кытта көрсөн, хайдах тэринэн үлэлии олороллорун билистилэр. Анна Михайловна социальнай эбийиэктэри кэрийэн көрдө уонна тэрилтэ салайааччыларын кытта көрсөн үлэ туһунан кэпсэтиини ыытта.
Элбэх өҥөнү оҥорор киин исписэлииһэ К.В. Егорова Өргүөт нэһилиэгэр 12 киһиэхэ, Быракаан нэһилиэгэр 2 киһиэхэ консультация биэрдэ, докумуон оҥотторон баран ылбакка сылдьар дьоҥҥо докумуоннарын бэлэмнээн туттарда.
«Социальнай десант» уопсайа 8 нэһилиэккэ сырытта. Салгыы нэдиэлэҕэ иккилии нэһилиэктэри таарыйан үлэлиирэ былааннанар диэн Үөһээ Бүлүү улууһун дьаһалтатын пресс-сулууспата иһитиннэрэр.
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит. ЯСИА…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…
Уус Алдаҥҥа Бэрт Ууһугар (баһылык И.П.Ильин) нэһилиэккэ дьоҥҥо-сэргэҕэ тиэйэргэ диэн анаан муус ылан бэлэмнээн кэбиһэр үтүө үгэстээхтэр.…