Өлүөхүмэҕэ Саха Өрөспүүбүлүкэтин күнүн көрсө элбэх кыбартыыралаах үс саҥа дьиэ күлүүстэрин туттардылар.
Эбийиэктэр саахалланар туруктаах дьиэлэртэн көһөрүү өрөспүүбүлүкэтээҕи аадырыстаах бырагырааманан үлэҕэ киллэрилиннилэр. Саҥа кыбартыыралар күлүүстэрин 153 дьиэ кэргэттэр ыллылар.
Набережная уулуссаҕа 83 уонна 32 кыбартыырлаах икки саҥа дьиэни «Норд Строй» ХЭО бэдэрээччит тутан үлэҕэ киллэрдэ. Оттон Кудрин-Абагинскай аатынан уулуссаҕа 38 кыбартыыралаах үһүс тутууну «ОлекмаСтройСервис» ХЭО бэдэрээччит тутта. Бу маастар-былааны учуоттаан тутуллубут Өлүөхүмэҕэ бастакы дьиэ баар буолла.
Саҥа кыбартыыралар күлүүстэрин тулаайах уонна көрүүтэ-истиитэ суох хаалбыт оҕолорго олорор дьиэнэн хааччыйыы бырагырааманан тулаайах оҕолор эмиэ ыллылар.
Санатан эттэххэ, саахалланар туруктаах дьиэлэртэн көһөрүү Саха сиринээҕи аадырыстаах бырагыраама 2019 сылтан Бэрэсидьиэн Владимир Путин көҕүлээбит «Олорор дьиэ уонна куорат эйгэтэ» национальнай бырайыак чэрчитинэн олоххо киирэр.
Билиҥҥи туругунан 40 тыһ. тахса киһи көһөрүлүннэ. Бу сылларга 244 элбэх квартиралаах дьиэ үлэҕэ киирдэ. 2024 сылга өссө эбии 93 элбэх кыбартыыралаах дьиэ тутуллара күүтүллэр.
Өлүөхүмэ улууһугар бырагыраамаҕа 112 тыһ. элбэх кыбартыыралаах олорор дьиэ киллэриллибитэ биллэр. Бу дьиэлэр бары 2017 сыл тохсунньутугар диэри саахалланар туруктаахтар.
СӨ Ил Дарханын уонна Бырабыыталыстыбатын пресс- сулууспата
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…