Хаартыска: Ил Дархан, бырабыыталыстыба дьаһалтатын пресс-сулууспата.
Кулун тутар ыйга Саха сиригэр 897 оҕо төрөөтө: 431 уол уонна 466 кыыс. Кинилэр бары Ил Дархан олохтообут “100 сыл оҕолоро” хапытаалы ылыахтара. Хапытаал болдьоҕо өссө 5 сылга уһаан биэрбитэ.
“100 сыл оҕолоро” хапытаал кээмэйэ – 105 тыһыынча солкуобай. 2023 сыл кулун тутар 31 күнүгэр 12 179 оҕоҕо хапытаалы биэрбиттэр. Кинилэртэн 3852 төрөппүт 320 мөлүйүөн солкуобай суумалаах хапытаал үбүн туһаммыт.
2883 ыал 233 мөлүйүөн солкуобайга олорор усулуобуйатын тупсарбыт, тырааныспары атыылаһыыга 897 төрөппүт 80,8 мөлүйүөн солкуобайы ыыппыт. 29 ыал оҕо аатыгар уурунуу кылаатын арыйбыт, 26 ыал – кэтэх хаһаайыстыбаны сайыннарыыга, 10 ыал – оҕоҕо үрдүк технологиялаах көмөнү оҥорууга, 6 ыал – дьиэ кэргэнинэн Арассыыйа устун сынньаныыга, 1 ыал – оҕо үөрэнэригэр анаан үптэрин туһаммыттар.
2023 сылтан олорор дьиэни гаастааһыҥҥа саҥа хайысха эбиллэн биэрдэ. Манна гаас тэрилин атыылаһарга, гааһы холбооһун үлэтин ороскуотугар хапытаал үбүн ыытыахха сөп.
Хапытаалы ыларга туох да сайабылыанньаны суруйбаккын, оҕо төрөөтөҕүнэ, ЗАГС управлениетыттан иһитиннэрии баран, хапытаал тута ананар. Оҕо төрөппүттэрэ Арассыыйа гражданнара уонна Саха сиригэр бырапыыскалаах буолуохтаахтар.
СӨ бырабыыталыстыбатын, Ил Дархан пресс-сулууспата.
Өлүөхүмэҕэ балаһыанньа билигин даҕаны уустугун уу түһэ илигэ туоһулуур. Билигин нэһилиэнньэҕэ бастакы ирдэнэр малы, ону…
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…