12 хонуктаах Саҥа дьыл бырааһынньыга аны хаһан буолуоҕай?

Арассыыйаҕа уһуннук салҕаммыт 12 хонуктаах Саҥа дьыллааҕы бырааһынньык аны алта сылынан буолуоҕа. Ол курдук, 2032 сылга хатыланар кыахтаах диэн Госдума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ Светлана Бессараб ТАСС-ка эппит.

«2026 сыллааҕы ахсынньы 31 күнүн учуоттаан туран, 2027 сыллааҕы бырааһынньык 11 хонуктаах буолуо диэн сабаҕалыахха сөп. Оттон быйылгы курдук уһун бырааһынньык 2032 сылга буолара күүтүллэр, ол саҕана тохсунньу 11 күнэ эмиэ өрөбүлгэ түбэһэр», — диэтэ Бессараб.