12 киһилээх массыына өрүскэ түстэ

СӨ Быыһыыр сулууспата иһитиннэрбитинэн,  Алдан оройуонугар муус устар  28 күнүгэр,  (Томмот – Белькачи)   12 киһилээх «Урал» массыына Алдан  өрүһү туораан иһэн, муус анныгар түспүт.

12:03 чааска «Полярные авиалинии» Ми-8 бөртөлүөтүнэн быыһааччылар бөлөхтөрө «Медицина катастроф» тэрилтэ үлэһиттэрин кытта быһылаан тахсыбыт сиригэр көппүттэр.

Муус устар  29 күнүгэр  08:54 чааска Уус Маайаҕа Белькачи сэлиэнньэтигэр 12 киһини бөртөлүөтүнэн аҕалбыттар. Бу дьон бары этэҥҥэлэр. Ууга түспүт дьону  «Медицина катастроф»  ГКУ мэдиссиинискэй үлэһиттэрэ доруобуйаларын туругун көрдүлэр.