Хаартыска: ааптар түһэриитэ.
Ленин болуоссата урут-уруккуттан өрөспүүбүлүкэбит сүрүн болуоссата буолар. Онон хайдах саҥаттан оҥоробут диэн кэпсэтиилэр, араас бырайыактар элбэхтэр этэ. Былырыыҥҥыттан саҕалаан «Якутпроект» институтун исписэлиистэрэ оҥорбут дизайннарынан тохтоло суох үлэ бара турар. Билиҥҥитэ ат төбөлөөх, чороонноох 12 сэргэ күн уотугар күлүмүрдүүллэр.
Мантан сылтаан араас социальнай ситимнэргэ ырытыы тохтоло суох барар. Ким эрэ тимир сэргэ Аллараа дойду сэргэтэ диир, ким эрэ сэргэ араас өҥүнэн оонньообутун, кытай саҥа дьылыгар, Лас-Вегаска тэҥниир, ким эрэ сирбэт, астынар. Уопсайынан, “неравнодушно” ким да хаалбата, бары болуоссаппыт ситэн-хотон, хайдах буолан тахсарын кэтэһэбит.
Ил Дархан иһинэн Архитектура уонна куораты тутуу управлениетыгар болуоссат тутуллан бүттэҕинэ биирдэ туох баар кистэлэҥин этиэхпит диэтилэр.
12 сыыппара сахаҕа муҥутуур улахан сыыппара буолар. Онон сэрэйдэххэ, 12 сэргэ ыалдьытымсах буолууну, байылыат олоҕу, былааһы көрдөрөрө сэрэйиллэр.
Оттон 12 сэргэни этнографтар туох дииллэрий?
Наталия Данилова, этнограф, историческай билим хандьыдаата:
— Айыы сирэ барыта толору, сырдык, күндэлэс, бигэ тирэхтээх, дьоһун тутуулаах, лоп-бааччы. Айыылар сэргэлэрэ, уораҕайдара көмүстэн эбэтэр алтантан тураллар. Ленин болуоссата биһиги куораппыт киинэ, ортото буолар, онон үрдүк сири кэрэһилиирин быһыытынан, үөһээ дойдуну кытта дьүөрэлээх. Оччотугар сэргэлэрин көмүс эбэтэр алтан диир оруннаах.
Уон икки сыыппара саха итэҕэлигэр сакральнай сыыппара. Холобур, тоҕус хаттыгастаах халлааҥҥа уон икки Айыы олорор. 2019 сыллаахха “Якутпроект” исписэлиистэрэ болуоссат дизайнын оҥороллоругар анаан-минээн этнографтары кытта кэлэн сүбэлэспиттэрэ. Оччотооҕу бырайыакка баар үгүс оҥоһуу ситэ киирбэккэ турар, кэлин сыыйа-баайа ситэн-хотон иһэригэр баҕарабыт.
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…