Нам улууһугар анал байыаннай дьайыыга сылдьар биир дойдулаахтарыгар көмө оҥоруу тиһигэ тохтообот.
Ол курдук, Бөтүҥ нэһилиэгин Далбар хотуттара нэһилиэктэрин балаҕаныгар өрөбүл күннэри аахсыбакка иистэнэллэр. Бу иннинэ «Күбэйэ» ырыа анасаамбылын далбардара анал байыаннай дьайыы сиригэр сылдьар биир дойдулаахтарыгар «көмөлөстөххө табыллар» диэн санаанан салайтаран, бу сыл саҕаланыаҕыттан алта буолан мустан иистэммитинэн барбыттара диэн «Нам улууһа» МТ пресс-сулууспата суруйар.
Түмсүү салайааччыта Валентина Макарова иһитиннэрбитинэн, таҥас матырыйаалларын «Илии сылааһа» иис сыаҕыттан ылаллар эбит. Иистэнэр массыыналары балаҕантан, кулууптан, сороҕун бэйэлэрэ аҕалбыттар эбит. Соторутааҕыта олохтоох дьаһалта бырамыысыланнай массыына атыылаһан, төһүү күүс буолбут. Иистэнньэҥнэр үөрүүлэрэ үгүс уонна олус махтаналлар.
Валентина Дмитриевна бастаан Кыһыл Дэриэбинэҕэ Дария Мальцева салайааччылаах «Сыдьаайа» хамаандатыгар баран үс күн үөрэммит. Билигин түмсүү кыргыттарын кытта номнуо уопутуран футболка, ис таҥас, плащевка, толстовка арааһын тигэллэр. Уопсайа 200-тэн тахса таҥаһы киллэрэн туттарбыттар.
Амарах санаалаах Бөтүҥ далбардара ис дууһаларын ууран, алгыстарын анаан туран тикпит сылаас таҥастара ыраах сылдьар биир дойдулаахтарыгар дурда-хахха, харысхал буоларыгар эрэнэллэр.
Дьылбыт быйыл эрдэлээн иһэр буолан, сайылыктаахтар көһүүлэриттэн саҕалаан, тыа сиригэр үлэ тэтимэ биир кэм оргуйан…
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…