«122» Доруобуйа харыстабылын кэлим контакт-киинэ мэдисиинэ көмөтүн ылыыны чэпчэтэр

“122” Доруобуйа харыстабылын кэлим контакт-киинигэр 24 эпэрээтэр үлэлиир, кинилэр мэдисиинэ тэрилтэлэрин үлэлиир чаастарыгар сөп түбэһэн 2 симиэнэнэн ыҥырыылары ылаллар.

СӨ Доруобуйаҕа харыстабылын министиэристибэтин итии лииньийэтэ төгүрүк суукканы быһа үлэлиир, диэн иһитиннэрэр Ил Дархан, бырабыыталыстыба пресс-сулууспата.

Төлөпүөнүнэн киирбит эрийиини оҥорорго поликлиникалары, улуус кииннэммит балыыһаларын, СӨ мэдисиинискэй страховкатын территориальнай пуондатын, Доруобуйа харыстабылын министиэристибэтин, “Сахафармация” АУо кытта куруук бииргэ үлэлииллэр.

“Үксүн өрөспүүбүлүкэ олохтоохторо бырааһы дьиэлэригэр ыҥыраары эбэтэр бырааска суруйтараары биһиэхэ эрийэн тахсаллар. Мэдисиинэ информационнай систиэмэтин (МИС) көмөтүнэн, биһиги эпэрээтэрдэрбит ыарыһахтар бырааска киирэллэрин быһаччы суруйар уонна дьиэлэригэр эмчит кэлэрин тэрийэр кыахтаахтар. Ону тэҥэ саҥарар көмөлөһөөччүнү киллэрбиппит үчүгэй көмө буолар”, — диир Доруобуйа харыстабылын биир кэлим киинин салайааччыта Анна Кириллина.

«122» Доруобуйа харыстабылын кэлим контакт-киинэ араас көрүҥнээх мэдисиинэ өҥөтүн туһанарга көмөлөһөр:

• — дьиэҕэр бырааһы ыҥырыы;
• — бырааска (ол иһигэр наркологтан/психиатртан/психологтан төлөбүрдээх ыспыраапканы ыларга) суруйтарыы;
• — диспансеризацияҕа суруйтарыы;
• — СӨ Доруобуйаҕа харыстабылын министиэристибэтин итии лииньийэтигэр биэрбит ыйытыыгынан хоруйдары ылыы;
• — ыарыһах бырааска көрдөрөр күнүн/кэмин санатыы;
• — “Мэдисиинэ көмөлөһөөччүтэ” бырайыак чэрчитинэн биир саастаах оҕолору уонна инбэлиит оҕолору арыаллааһын.