Хаартыска: sakha.gov.ru
Сыл саҕаланыаҕыттан СӨ Доруобуйаҕа харыстабылын кэлим хантаак-киинин “122” нүөмэригэр 580 858-та эрийэн тиийбиттэр, ол иһигэр улуустартан 238 540 эрийбиттэр.
Билигин хантаак-кииҥҥэ Дьокуускай к. поликлиникаларыттан ураты 20 кииннэммит улуустааҕы балыыһалар холбоннулар, диэн иһитиннэрэр СӨ Доруобуйаҕа харыстабылын министиэристибэтэ.
Кэлим хантаак-кииҥҥэ күннэтэ төгүрүк суукканы быһа 23 эпэрээтэр үлэлиир. Кинилэр дьоҥҥо сүбэлииллэр, бырааска киирэргин суруйтараллар, бырааһы дьиэҕэ ыҥыртараллар.
“122” кэлим диспетчерскэй сулууспа 2022 сыллаахха Covid-19 тарҕана турар кэмигэр суһаллык тэриллибитэ.
“Биһиги сулууспа кыаҕын кэҥэтэргэ, үлэтин саҥардан иһиигэ үлэлэһэбит. Билигин поликлиникалар колл-кииннэрин холбуур үлэ бара турар, оччоҕо ыарыһаҕы бырааска суруйтарыы, дьиэҕэ бырааһы ыҥыртарыы чэпчиэ этэ, — диир сулууспа салайааччыта Анна Кириллина.
2024 сыл бүтүүтүгэр “Дьиэ кэргэн” национальнай бырайыак чэрчитинэн өрөспүүбүлүкэҕэ 1-гэр диэри саастаах оҕолоох уонна инбэлиит-оҕолоох дьиэ кэргэттэргэ мэдисиинискэй арыаллааһыны оҥорор сыалтан “Мэдисиинэ көмөтө” бырайыак үлэтин саҕалаабыта. Билигин манна 23 улуус киин балыыһалара холбоннулар, сыыйа улуустар киин балыыһалара бары киириэхтэрэ, диэн иһитиннэрэр Ил Дархан, бырабыыталыстыба пресс-сулууспата.
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…
Дьоллоох олохпутун салҕаан, өссө ордук үчүгэйдик олоруохпут… Алексей Ильич Сосин 1905 сыллаахха Мэҥэ Хаҥалас оройуонугар Моорук…
Куокуйдааҕы "Надежда" иистэнэр уопсастыбаннай холбоһукка оскуолабыт кэлэктиибэ (дир. Петров И.И.) таҥас быһар электрическай быһаҕы бэлэхтээн…
Соторутааҕыта Москваҕа РФ норуоттарын төрөөбүт тылларын учууталларын Бүтүн Арассыыйатааҕы сийиэһэ буолан ааста. СӨ Билимин академиятын…
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…