Дойдуга анал байыаннай эпэрээссийэҕэ барбыттарга, кинилэр чугас дьонноругар, аймахтарыгар “122” сулууспаҕа сыһыарыллыбыт уйулҕа үөрэхтээхтэрэ өйөбүл буолаллар.
Саха сирин Доруобуйа харыстабылыгар министиэристибэтэ бирикээс таһааран, өрөспүүбүлүкэ кэккэ балыыһаларын кылаабынай быраастара килиниичэскэй психологтар биригээдэлэрин тэрийэллэригэр сорудахтаабыта.
Психологтар хамаандалара хайдах тэриллибитин туһунан Психоневрология өрөспүүбүлүкэтээҕи диспансерын кылаабынай бырааһа Олег Припузов маннык кэпсиир:
— Биһиги килиниичэскэй психологтарбыт бирикээһи суһаллык толорорго бэлэм этилэр. Кинилэр сорохторо “122” суһал линияҕа барбыттара. Кинилэр үлэлэрин саҕалааттарын кытта араас ыйытыы хайыы үйэ түмүллүбүт этэ. Биһиги исписэлиистэрбит психологическай өйөбүлү тэҥэ, бэбиэскэни ылан баран, хайдах дьаһанар туһунан кэпсээбиттэрэ уонна баҕа өттүлэринэн барыан баҕалаах эр дьоҥҥо тустаах сүбэни-аманы биэрбиттэрэ. Онтон сорохторбут СӨ Уопсастыбаннай балаататыгар, Сүрүннүүр кииҥҥэ өрөспүүбүлүкэ олохтоохторугар сибээскэ тахсыбыттара”, — диэн кэпсээтэ Олег Алексеевич.
“Фтизиатрия” НПК килиниичэскэй психолога Елена Смоленская: «Быстах хомуурга түбэспиттэр уйулҕа үөрэхтээҕин өҥөтүгэр сэдэхтик наадыйаллар. Тоҕо диэтэххэ, кинилэр ону буолуохтааҕын курдук уонна эбээһинэс курдук ылыналлар. Биһиги өйөбүлбүтүгэр ордук элбэхтик кинилэр ийэлэрэ, эдьиийдэрэ-балыстара, кэргэннэрэ, доҕотторо уонна аймахтара наадыйаллар. Үксүгэр докумуоннарга уонна доруобуйаҕа сыһыаннаах ыйытыылар киирэллэр. Миэхэ үлэлиирбэр чэпчэки диэбэппин. Ыарахан. Ол гынан баран, мин иэһим. Биһиги, уйулҕа үөрэхтээхтэрэ, олохпутун идэбитигэр анаабыппыт уонна төһө да уустуктар баалларын иһин, үлэлээбиппит курдук үлэлиибит. Этэргэ дылы, биһиги буолбатахпытына ким?»— диэн кэпсээтэ.
Алтынньы 6 күнүнээҕи туругунан, өрөспүүбүлүкэ доруобуйатын харыстабылын тэрилтэлэрин килиниичэскэй психологтара “122” суһал линияҕа 111 төлөпүөн, СӨ Уопсастыбаннай балаатата 100 төлөпүөн ыйытыыларыгар хоруйдаатылар. Уйулҕа үөрэхтээхтэрэ ону таһынан Орджоникидзе, 28 нүөмэригэр быстах хомуур пуунугар үлэлииллэр.
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…
Саха сиригэр будулҕан туманнаах, күүстээх бытарҕан тымныылар тураллар. Ахсынньы 24 күнүгэр сарсыарда Өймөкөөн улууһугар салгын…
Ленскэй оройуонун суута Пеледуй бөһүөлэгин олохтоох киһиэхэ сыһыаннаан РФ Административнай кодексатын 19.3 ыстатыйатын 1 чааһынан…
Павловскай сэлиэнньэтин бибилэтиэкэтигэр Мэҥэ Хаҥалас улууһун “Аҕа дойдуну көмүскээччилэр” пуонда филиалын социальнай координатора Рената Спиридонова…