Хаартыска sakha.gov.ru ылылынна
Бу 2024 сыл тохсунньуттан саҕалаан. Барыта 16 155 киһи төлөпүөннээбит диэн 122 суһал лииньийэни салайар Мария Винокурова иһитиннэрбит.
Кини билигин ордук хантараагынан сулууспа, байыас ханна сылдьарын, авиабилиэти уурдарыы, байыас дьиэ кэргэнигэр көмөнү оҥоруу, байыаннай дьайыы кыттыылааҕар дастабырыанньаны биэрии туһунан ыйыталаһалларын этэр.
—Ааспыт нэдиэлэҕэ хас да боппуруос быһаарылынна. Ол иһигэр, Саха сирин бэрэстэбиитэлэ Уһук Илиҥҥэ бааһырбыт байыас уоппускатыгар рейскэ хойутаабытын уонна саҥа билиэккэ харчыта суоҕун туһунан ыйытыыта быһаарылынна. Кини улууһун кытары суһаллык сибээс олохтонон, билиэт уонна көрсүһүү боппуруоһа быһаарыллыбыта, — диэн Мария Винокурова иһитиннэрбит. Маны таһынан, сибээскэ өр тахсыбатах икки байыас сибээскэ тахсыбыттарын этэр.
Мария Винокурова байыастарга ыытыллар баһыылкалар хонтуруолга тутуллалларын бэлиэтиир. ИП Корниловка пилота суох аппарааттары, наадалаах малы-салы атыылаһарга көмөлөспүтүгэр махтанар. «Саха сирэ эйигин кытта» волонтердар ыстааптара, волонтердар, тирэх пууннар, ЕКЦ суһал ыстааба баһыылкалары тиэрдиигэ көмөлөрүн бэлиэтиир. «Якутия» авиахампаанньаны, СӨ тырааныспарга министиэристибэтин байыастарга билиэттэри ууран өйөбүлү оҥорбуттарын ыйар. Мэдиссиинэ тэрилтэлэригэр, СӨ доруобуйа харыстабылын министиэристибэтигэр байыастары уонна кинилэр дьиэ кэргэттэрин күүттэрбэккэ көрөллөрүгэр, көмөлөрүн оҥороллоругар махтанар.
СӨ Ил Дарханын уонна Бырабыыталыстыбатын пресс-сулууспата
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…