Хаартыска СӨ Бырабыыталыстыбатын Бэрэссэдээтэлэ Кирилл Бычков телеграмм-ханаалыттан
Билиҥҥи туругунан, Өймөкөөн уонна Абый улуустарыгар сайыҥҥы халаантан эмсэҕэлээбит 1200-тэн тахса киһиэхэ төлөбүрдэри ыыппыттар. Бу туһунан атырдьах ыйын 8 күнүгэр брифиҥҥэ СӨ экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Андрей Коноплев иһитиннэрдэ.
«От ыйын 19 күнүттэн судаарыстыбаннай өҥө порталыгар 2271 сайабылыанньа, ол иһигэр 1657 — биир кэмнээх үп-харчы көмөтүгэр уонна 613 — баайы-дуолу сүтэриинэн үп-харчы көмөтүгэр, киирбит. 1227 киһиэхэ төлөбүр туһунан быһаарыы ылыллыбыта, 102 сайабылыанньа эбии көрүүгэ ыытыллыбыта. Өймөкөөн уонна Абый улуустарыгар халаан содулларын суох оҥорорго, өрөспүүбүлүкэ бырабыыталыстыбата эбийиэктэри кэмигэр чөлүгэр түһэриигэ бары наадалаах дьаһаллары ылыммыта», — диэн Андрей Коноплев эттэ.
Кини этэринэн, билигин суол 82 учаастагыттан 70-на чөлүгэр түһэриллибит. Уопсайа 235 дьиэ чинчийиллибит, олортон 122-гэр өрөмүөн ирдэнэр. Халаан Өймөкөөн улууһугар саамай улахан хоромньуну аҕалла, онно 108 дьиэ алдьаммыт, 5 дьиэ толору урусхалламмытынан билиниллибит. Абый улууһугар 14 дьиэ эмсэҕэлээтэ.
Миниистири солбуйааччы өрөспүүбүлүкэ бырабыыталыстыбата 1 дьиэ хапытаалынай өрөмүөнүгэр 200 тыһыынчалыы солкуобайы үллэрбитин туһунан эттэ.
«Дьиэлэрэ урусхалламмыт 3 ыалга 4 кыбартыыралаах олорор дьиэҕэ кыбартыыралары биэрэргэ былааннанабыт. Маны тэҥэ, 2 мас дьиэни тутуу боппуруоһа көрүллэр. Ыраах нэһилиэктэргэ тутуу матырыйаалларын тиэрдии тэрилиннэ. Билигин «Ан-26″ сөмөлүөт Абый улууһугар тутуу матырыйаалларын тиэрдэрэ былааннанар, онтон матырыйааллары Кэбэргэнэ сэлиэнньэтигэр уунан тиэйэн тиэрдиэхтэрэ. Өймөкөөҥҥө 4 улахан массыынанан тиэрдиллибитэ», — диэнт Андрей Коноплев кэпсээтэ.
Сиһилии: https://www.sakha.gov.ru/news/9622
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…