Хаартыска: Мария Васильева, СИА
Күнү-дьылы билгэлээччилэр иһитиннэрбиттэринэн, быйыл өрүстэр муустара 1-2 хонугунан эрдэлээн эстиэхтэрэ. Барыллааһын быһыытынан, өрөспүүбүлүкэ 24 улууһугар 123 нэһилиэнньэлээх пуун ууга барар кутталлаах. Бу туһунан СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников иһитиннэрдэ.
«Бүгүн СӨ Бырабыыталыстыбата уонна ЫБММ үлэһиттэрэ халаан уутун этэҥҥэ аһарарга улахан үлэни ыыта сылдьаллар. Барыта бу үлэҕэ 190 мөлүйүөн үп көрүллүннэ. Онтон 120 мөлүйүөн курдук үп өрөспүүбүлүкэ судаарыстыбаннай бүддьүөтүттэн тыырылынна. Өссө 70-тан тахса мөлүйүөн солкуобай федеральнай бүддьүөттэн аттарылынна. Бүгүн былаан быһыытынан үлэлэр бара тураллар. Ол курдук, билигин мууһу хараардыы, эрбээһин үлэлэрэ ыытыллаллар«, — диэн Дмитрий Садовников бэлиэтээтэ.
Сааскы халаан кэмигэр өрүстэргэ гидрологическай балаһыанньаны мониторинныырга 186 гидропост үлэлиэҕэ. Ону таһынан, уу кэлэр түгэнигэр дьону быстах кэмҥэ көһөрөр эвакуационнай пууннары уонна сүөһүнү үүрэр сирдэри бэлэмнээһин үлэтэ бара турар.
Бу күннэргэ гражданскай уопсастыбаны сайыннарыыга Ил Дархан граныгар куонкуруска киирбит сайаапкалары үөрэтии түмүктэннэ. Грант ыларга…
Бүгүн, ыам ыйын 16 күнүгэр, Саха сирин синоптикара Ленскэй, Өлүөхүмэ, Сунтаар, Ньурба, Үөһээ Бүлүү, Бүлүү…
Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын…
"Михаил Ефимович Николаев: вклад в государственную семейную политику Российской Федерации" диэн кинигэ сүрэхтэниитэ бүгүн, ыам…
Ыам ыйын 15 күнэ. Дьылбыт түмүктэнэрэ 7 хонук хаалбыт. Ол аата саха саҥа сыла саҕаланыа…
Ааҕааччыны салгыппат гына, ааспыты аҕыйах тылынан ахтан ааһар тоҕоостоох. Ыраата барбакка эттэххэ, ааспыт үйэ 60-70-с…